Litt av kvart.....

Eg har brodert ferdig stitcheryet mitt frå dette innlegget.
I går skulle eg prøve å skjere opp stoffa som skal vere rundt,
men det var ikkje så enkelt med den dårlege arma.
Må nok ta det i mange etappar.
Å brodere litt går bra,
men strikking og hekling må nok vente ei god stund enno.
I dag var eg innom ein garnbutikk for å kjøpe meir broderigarn.
Skal begynne på AnnaKa sine urteengler.
Eg kom også heim med det siste heftet frå navia.
Masse fint her.

Gler meg til eg kan begynne å strikke igjen!!

Dei siste vekene har vi hatt besøk av eit skarvepar i "hagen".
Vi bur jo att med ei elv og er vande med eit rikt fugl/fisk/dyreliv,
men skarv har vi ikkje brukt å ha her.
På grunn av det krokforma nebbet må det vel vere storskarv?
I følge fugleboka held den seg i Nord-Noreg.
Skarven er i alle fall imponerande
når den sit med vingene utbredt og kviler.

Bok nr. 5
Ei interessant histrie om korleis
amerikanske japanerar blei behandla under 2. verdskrig i USA.
Denne boka var ikkje så lettlest som dei andre bøkene
eg har lese hittil i år.
Synest den var litt treig av og til,
og at det blei litt mykje det samme opp att,
men elles ei kjekk og lærerik bok.

Bok nr. 4

Det går fortsatt i lesing her.

Det einaste som blir gjort av handarbeid er litt stitchery.
Eg går til behandling for nakke-og armplagene,
men det kjem nok til å ta litt tid.
I helga har eg lese denne vesle franske romanen,
som svigermora mi fekk i julegåve.
Den er på berre 218 lettleste sider.
Boka handlar om ein 45-år gamal mann
som bur i ei campingvogn i hagen til mora si.
I parken kor han brukar å sitte å telje duer,
blir han kjend med ei 86 år gamal dame.
Det oppstår eit spesielt vennskap mellom dei.
Den gamle dama begynner å lese bøker for han,
noko som gir han eit nytt perspektiv på livet.

Ei artig og god bok med ein fin og humorisisk tone!

Bok nr. 3 og forsiktig hekling

Denne romanen er utruleg velskriven,
velkomponert og fengande!
Det er både ein slags sjølvbiografi og eit portrett av ein pyroman
som herja i Finsland (utanfor Kristiansand) i 1978.
Både forfattaren og pyromanen vaks opp i denne bygda.

Eg har funne fram nokre hekla lappar frå i fjor.
Meininga er at dette skal bli eit lappeteppe.
Har prøvd meg med litt forsiktig hekling,
og det går bra så lenge det er veldig forsiktig og veldig lite.
Fargane i dette teppet er litt inspirert av
"Gutta boys"-roseteppet (Lappemakeriet),
som var mnd. teppe for nokre år sidan,
og som eg fortsatt syr på for hand.

Eg heklar teppet i Pt 2 og Rauma Finull.

Om å rydde vekk jula...

Denne helga har vi rydda vekk jula.
Ikkje all julepynt er like enkel å pakke vekk.
I romjula kjøpte eg dette "juletreet" hos Ingun til halv pris.
Har brukt både kubbelys og telys inne i det,
og synest det er kjempekoseleg.
Har lyst til å ha det ståande litt til...
Det samme har eg lyst til med julestrømpen under.
Den kjøpte eg på Epla (Budeiesøm) i november.
Minstemann putta alle småtinga
som han fekk i adventskaldenderen sin opp i den.

Bok nr. 2

No er det snart to veker sidan eg har strikka (pga. høgrearma).
Har brodert litt, men er forsiktig med det og.
***
Bloggen min er difor blitt ein midlertidig litteraturblogg.
***
Bok nr. to i år er debutromanen til Kate Morton.
I fjor las eg Den glemte hagen, hennar andre roman.
Tilbake til Riverton er ein roman som bl.a. skildrar
herskap-og tenarmiljøet på begynnelsen av 1900- talet i England.
Trur denne romanen hadde passa veldig godt som BBC-serie.
Boka er på 512 sider,
Eg kjøpte pocketutgåva, og tenkte ikkje over at skrifta var så lita.
Men boka var så spanande og god,
at det gjekk fint likevel.

Bok nr. 1

I år skal eg ta meg tid til å lese fleire bøker.
Dette er årest første bok,
som sikkert mange har lese for lenge sidan.
Eg fekk den i julegåve, og har kosa meg med den sidan nyttår.
Den er på 480 sider, men er lettlest og underhaldande.
Interessant å lese om den spanske borgarkrigen.
Elles er eg einig i Solveig si bokmelding.

Stitchery

Eg har ei ufrivillig strikkefri pause igjen
pga. betennelse i høgre armen.
I går var eg litt betre
,slik at eg klarte å brodere litt.
Det var ikkje så dumt,
for då fekk eg sydd ferdig dette første hjartet
på juleduken til
Wenche frå Northern Quilts.

Til jul var eg så heldig å få denne pakken med mønster,
stoff og broderitråd av tanta mi Lappetausa.
Det skal bli eit bakeklede.
Heldigvis hadde Ingun på Primula strykevliselin
av typen som er supert til stitchery!
Gler meg til å begynne på det no ;-)

Godt Nytt År!

Denne flaskevarmeren strikka eg tidleg i desember
etter å ha fått boka"Julepynt & julegaver" i posten.
Ei veldig fin og variert julehobbybok.
Eg brukte garnet som var nemnt i boka, Pt-design Mitu.

Har dekka ferdig nyttårsbordet i spisekroken på kjøkkenet.
Det er dekka til mor, far, fire gutar/menn, farmor og farfar.
Vi gler oss til pinnekjøttmiddag!
***
Vil ønske alle som er innom bloggen min
eit Godt Nytt År!

Ute snør det i dag, men det er mildt heldigvis!!
(utsikt mot elva som er dekt av is og snø)

Ferdig 2010

Eg har laga nokre kollasjar for å få oversikt
over kva eg har produsert i 2010.
Det er stort sett tilbehør og ting som går fort å lage.
Difor ser det mykje ut.
Blei litt sjokka sjølv.......
Målet mitt for 2011 er å gjere ferdig uferdige prosjekt.
Har ein del fine genserar liggande halvferdige, bl.a.
Vel...
her kjem det meste av 2010-
produksjonen........

Luer

Panneband

Sokkar

Pulsvantar
Sjal/skjerf

Halsar

Gryteklutar

Klutar

Tepper

Sydde ting

Utsikt frå kjøkkenvindauget

Det er endeleg mildare ute!!
Isen på elva smeltar, og svanene lagar fine fotspor.......

Dei står tolmodig og ventar på frukosten sin.
(Bildet er tatt gjennom kjøkkenvindauget med litt zoom.)

Anne-Pia Godske Rasmussen

Anne-Pia Godske Rasmussen har kome ut med ny bok.
Sidan eg har ikkje mindre enn åtte bøker av henne frå før av,
var det naturleg å bestille denne også.
Direkte frå Capris til Bunnpris (post i butikk...).
Har fått bladd litt i den,
og den er spanande og fin!
Om eg kjem til å sy noko frå den,
gjenstår å sjå........

Yarn over cable

Har strikka ferdig dette sokkeparet no i romjula.
Mønsteret er yarn over cabel,
som eg har blogga om tidlegare her.
Garnet kjøpte eg i USA sommaren 2008.
Har blogga om det her.
Likte dette garnet veldig godt :)

Sokkar og panneband

Det har blitt lite strikking i desember.
Eg har blant anna hatt litt nakkproblem.
Men no er eg begynt å strikke litt igjen.
Har strikka ferdig dette sokkeparet,
som eg har skrive tidlegare om her.
Garnet er handfarga,
og verkar både sterkt og godt.
Og så har eg strikka ferdig dette pannebandet,
som skal vere julegåve.
Mønster på det her.
Eg strikka det 2 cm kortare enn mønsteret seier,
og brukte 26 gram med Fabel.

20. desember

Desse svanene har visst slått seg ned her hos oss.
Vi begynte å gje dei litt brød for nokre veker sidan,
og no kjem dei og skal ha mat både titt og ofte.

Dei er sangsvaner, og jammen kan dei gje lyd frå seg.
Eg har til og med vakna om natta av den "vakre" sangen deira.
Men dei er så flotte å sjå på når dei sym nedover elva.
Når dei skal gå på isen, er dei ikkje fullt så elegante!