31 desember 2010

Godt Nytt År!

Denne flaskevarmeren strikka eg tidleg i desember
etter å ha fått boka"Julepynt & julegaver" i posten.
Ei veldig fin og variert julehobbybok.
Eg brukte garnet som var nemnt i boka, Pt-design Mitu.


Har dekka ferdig nyttårsbordet i spisekroken på kjøkkenet.
Det er dekka til mor, far, fire gutar/menn, farmor og farfar.
Vi gler oss til pinnekjøttmiddag!
***
Vil ønske alle som er innom bloggen min
eit Godt Nytt År!

Ute snør det i dag, men det er mildt heldigvis!!
(utsikt mot elva som er dekt av is og snø)

30 desember 2010

Ferdig 2010

Eg har laga nokre kollasjar for å få oversikt
over kva eg har produsert i 2010.
Det er stort sett tilbehør og ting som går fort å lage.
Difor ser det mykje ut.
Blei litt sjokka sjølv.......
Målet mitt for 2011 er å gjere ferdig uferdige prosjekt.
Har ein del fine genserar liggande halvferdige, bl.a.
Vel...
her kjem det meste av 2010-
produksjonen........

Luer
Panneband
Sokkar
Pulsvantar
Sjal/skjerf
Halsar
Gryteklutar
Klutar
Tepper
Sydde ting

Utsikt frå kjøkkenvindauget


Det er endeleg mildare ute!!
Isen på elva smeltar, og svanene lagar fine fotspor.......
Dei står tolmodig og ventar på frukosten sin.
(Bildet er tatt gjennom kjøkkenvindauget med litt zoom.)

28 desember 2010

Anne-Pia Godske Rasmussen

Anne-Pia Godske Rasmussen har kome ut med ny bok.
Sidan eg har ikkje mindre enn åtte bøker av henne frå før av,
var det naturleg å bestille denne også.
Direkte frå Capris til Bunnpris (post i butikk...).
Har fått bladd litt i den,
og den er spanande og fin!
Om eg kjem til å sy noko frå den,
gjenstår å sjå........


Yarn over cable

Har strikka ferdig dette sokkeparet no i romjula.
Mønsteret er yarn over cabel,
som eg har blogga om tidlegare her.
Garnet kjøpte eg i USA sommaren 2008.
Har blogga om det her.
Likte dette garnet veldig godt :)

23 desember 2010

Sokkar og panneband

Det har blitt lite strikking i desember.
Eg har blant anna hatt litt nakkproblem.
Men no er eg begynt å strikke litt igjen.
Har strikka ferdig dette sokkeparet,
som eg har skrive tidlegare om her.
Garnet er handfarga,
og verkar både sterkt og godt.
Og så har eg strikka ferdig dette pannebandet,
som skal vere julegåve.
Mønster på det her.
Eg strikka det 2 cm kortare enn mønsteret seier,
og brukte 26 gram med Fabel.

20 desember 2010

20. desember

Desse svanene har visst slått seg ned her hos oss.
Vi begynte å gje dei litt brød for nokre veker sidan,
og no kjem dei og skal ha mat både titt og ofte.
Dei er sangsvaner, og jammen kan dei gje lyd frå seg.
Eg har til og med vakna om natta av den "vakre" sangen deira.
Men dei er så flotte å sjå på når dei sym nedover elva.
Når dei skal gå på isen, er dei ikkje fullt så elegante!

30 november 2010

Lue og luehals

Eg har strikka ei til av denne lua i Freestyle frå Dale.
Det er i alle fall den 5. eg har strikka etter dette mønsteret.
Men alle er gitt vekk eller selde, så eg måtte strikke ei til meg sjølv.
Eg brukar litt over 2 nøster til ei slik lue.
Mønster:
Legg opp 88 m på pinne nr. 4. Strikk 2 r og 2 vr i 8-9 cm.
Auk ein r i alle r felt og 1 vr i alle vr felt, slik at du har 132 m.
3 r 3 vr i 3 omg. Strikk så 1 vr. 3 r. 3 vr... i 3 omg.
Fortset med å forskyve ei maske for kvar 3. omg. til arb. måler 23 cm.
Felling: Strikk 2 vr saman i kvart vr felt. Strikk 3 omg. utan felling.
Strikk 2 r saman i kvart r felt. Strikk 3 omg. utan felling.
Strikk 2 vr saman i kvart vr felt. Strikk 3 omg. utan felling.
Fortset slik til det er 44 m igjen. Strikk to og to masker saman. Ein omg. utan felling.
Strikk to og to masker saman til 11 m. Trekk tråden gjennom dei siste maskene.

Luehals i Iris frå Rauma.
2 nøster med Iris og pinne nr. 9
Mønster: Legg opp 42 m på pinne 9 med dobbel tråd.
Strikk 2 rett og 2 vrang til garnet er nesten brukt opp. Fell av og sy saman.

26 november 2010

Bok av bloggen

Timotei var den som var først ute (av dei eg "kjenner")
til å få laga bøker av bloggen sin.
Eg tende verkeleg på den idéen,
og var ikkje sein om å sende avgarde bestilling på ein årgang.
Eg valde 2008, og ville sjå korleis boka blei før eg bestilt resten.
Gløymde å få trykt årstalet på framsida,
men elles er eg godt fornøgd!

23 november 2010

Holiday gift store

No har Ysolda opna julegåvebutikk,
der ho sel pakkar med garn og mønster.
Eg fall for freisinga, kva med deg?
xxx
Trur forresten eg ønskjer meg bøkene hennar,
sjølv om eg har mange av mønstrene frå før av.
Litt kjekt å ha dei samla i ei bok :D

Hals i Fabel

Denne halsen strikka eg for nokre veker sidan.
Den er strikka etter dette mønsteret.
Brukte akkurat eit nøste (50 gram) med Fabel.
Må kanskje vaske og blokke den litt,
(evnt. dampe)
for at kanten nede ikkje skal rulle.
Denne blir nok god å ha i vinter!
Vi har mange ender i elva her, men får sjeldan besøk av svanar.
I dag kom det fem, og dei kosa seg og laga masse lyd.
Grunnen til all lyden,
var at to av dei var ungar
som helst ville svømme sine eigne vegar.

21 november 2010

Gjenbruk

Ikkje alle bøker er "god lesnad".
Dette julehjartet er laga av to sider i ei mindre bra barnebok,
som var på veg til søppelbøtta.
Idéen til forma
fekk eg av Den Gode Feen i dette innlegget.

20 november 2010

God lesnad frå Samlaget

I dag fekk eg denne fine votteboka i posten.
Boka er ei gåve frå Samlaget!!
Den er skriven av Annemor Sundbø og er på nynorsk.

Ser ut til å vere ei interessant og fin bok,
som eg gler meg til å studere meir nøye....

14 november 2010

Panneband

I veka som snart er slutt no, har eg begynt på fleire nye småting.
Det einaste som er ferdig er to panneband av denne typen.
Dei er strikka i Eskimo på pinne nr. 8.
La opp 15 masker og strikka til garnet tok slutt.
Superenkelt og superraskt :-)
La opp og blei ferdig før ettermiddagskaffien var kald, omtrent...
Pannebandet blei godkjent av Ingrid, som eg er tante til!

08 november 2010

Hals nr. 3

I helga strikka eg ein ny hals av denne typen.
Halsen er strikka i Daletta.

"Tause Birgitte" måtte stille opp som modell igjen....
Eit bilde knipsa ved Moloen søndag.
Grå november kan vere vakker...

06 november 2010

Hals nr. 2

Hals i Faerytale frå DSA.
Mønster i Maskerader nr. 6.
Pinne nr. 7 med dobbelt garn.
La opp 36 masker.
Halsen er strikka i ein mørk raud farge
(ikkje samme som i mønsteret).
Har laga tre knappehol,
så den eine knappen går gjennom to hol.