18 juli 2016

Bygge & bo

På årets regionstreff i Førde, 
var tanta mi, Lappetausa,
så heldig å vinne dette flotte veggteppet.
 Det er sydd av quilteklubben i Førde,
 og var hovudgevinst i lotteriet deira.  
Teppet er ein mindre versjon av månadsblokkteppet 
Det opprinnelege teppet har 30 husblokker, 
medan dette har 20.
(160x123cm)
Sidan Elin skal sy dette teppet sjølv, 
og ikkje hadde nokon passande vegg å henge det på, 
var eg så heldig å få henge det til pynt i gangen min!

Sommarsjal

Eg har hekla eit lite sommarsjal/skjerf i alpaca silk frå Rauma.
Mønster fann eg i Pt design nr. 119.
Eg hekla etter cape-mønsteret, 
men hekla den så stor at den kan brukast som skjerf.

13 juli 2016

Scrappy Happy V-Stitch blanket nr. 2


V-teppe nr. 2 er ferdig :)
På dette teppet har eg ikkje hekla stripekant i kvar ende,
 som på det første.  
Eg har berre hekla kanten med krepsemasker rundt heile teppet.


Dette teppet er laga av restegarn av type Smart, Peer Gynt, Falk, Heilo o.l.

Max og Kornelius kosar seg i hagen.

08 juli 2016

Scrappy Happy V-Stitch Blanket

Då har eg fått hekla kant på dette pleddet, 
som har vore ferdig ei stund.
Det er hekla i v-masker etter eit mønster av 
Eg har brukt Daletta og tynnare krok,
så det er litt mindre enn det på mønsteret.
Pleddet var så enkelt og kjekt å hekle,
at eg begynte på eit nytt i restegarn
rett etter at dette var ferdig.
Det skal få kant rundt no.
Fin sommardag på vestlandet i dag!

06 juli 2016

Emma - ein sommartopp


Eg har strikka ein sommartopp i Line frå Sandnesgarn.
Modellen heiter "Emma" og er frå det siste Line-heftet.

30 juni 2016

Juni

Det har vore liten aktivitet på bloggen min 
denne våren/sommaren.  
Juni, min favorittmånad, er snart over,
så det hastar med ei lita oppdatering.
I år har vi halde på med ein del
 oppussing og opprydding i heimen.
Vi har budd i dette huset i snart tretti år,
og no var det på tide å pusse opp badet.  
I tillegg har vi malt loftstova,
og nokre møblar.
Vi har og ommøblert og laga oss spisestove.
Det blir mykje rot undervegs,
og eg har vore lite inspirert til blogging.
 Men det blir no alltids tid til litt handarbeid.
Eg har hekla nesten ferdig to tepper av denne typen.
Det er v-masker og ganske enkelt og raskt å hekle.
Skal komme tilbake med fleire bilde seinare,
 når dei er heilt ferdige.
Eg har brukt single nøster og restegarn.
Av dei minste restane heklar eg sirklar,
som skal bli til kvadrat.  
Mønster på bloggen til Solstrikke.
 Løparen under har eg sydd etter eit mønster i 
Quiltemagasinet.  
Blokkene i midten er sydd på papir.
Det var nytt for meg,
så eg gjorde feil og blokkene blei
mindre enn dei eigentleg skulle bli.
Denne boka anbefaler eg viss ein vil lære seg å rydde,
eller treng inspirasjon.  

 I begynnelsen av juni var vi ein tur til koselege Alcudia på Mallorca.  

Denne karen stiller ikkje lenger så velvillig opp når mor vil fotografere.
Mykje kjekkare når fotografen er profesjonell  
(i tillegg til søt, spansk senorita).


06 mai 2016

Regionstreff i Førde


 For snart ein månad sidan var Lappetausa og eg på regionstreff i Førde.
Vi benka oss på første rad for å høyre og sjå Trine Bakke
frå Lappemakeriet på Bærums verk.
Eg har alle quiltebøkene til Trine og likar dei veldig godt!
Eit kjekt og inspirerande foredrag!
Teppet under er det nye månadsteppet til Lappemakeriet.
Det heiter Ole Brumm og har bjørneklomønster.
Veldig fint!

To til halsen


Det er ei stund sidan forrige innlegg her på bloggen, 
men no skal eg prøve å komme i gang igjen.  
Det har blitt ein del hekling i vår.  
Har fleire tepper på gang,
så eg får vel prøve å fullføre nokre av dei snart.
Det som er ferdig er dette sjalet hekla i Tumi frå Rauma.
Mønsteret ligg ute gratis og heiter Claudia scarf.
Eg har hekla dette to-tre gongar tidlegare.

I vinter kjøpte eg to nøster Sandnes tweed til halv pris.
Visste ikkje heilt kva eg skulle bruke garnet til,
men eg hadde lyst til å prøve det.
Det enkle er ofte det beste,
så det blei eit lite sjal i rillestrikk.
Sjalet blei veldig mjukt og godt å forme rundt halsen.

07 mars 2016

Vår


 Skjerfet frå forrige innlegg er ferdig. 
 Eg brukte 3,5 nøster med Navia, eintråda. 
Perlestrikk, dobbel tråd og pinne nr. 5,5.
Etter at skjerfet, blei vaska blei det mjukare og lengre.
 Så det kan hende det hadde gått med tre nøster.


Så har eg sydd ein påskeløpar.  
Brukte den mellomste twisterlinjalen og stoff frå lageret mitt.

Vår og snart påske!
Fortsatt mange svolte svaner i elva.

22 februar 2016

På pinnane


Eg har begynt å strikke eit skjerf i perlestrikk. 
 La opp 42 masker på pinne nr. 5,5 
med dobbel tråd eintråda Navia.
Reknar med å bruke tre nøster i alle fall.
Det er ikkje det mest spanande arbeidet,
men det hjelper å ha desse fantastiske 
firkanta KnitPro-pinnane :)

21 februar 2016

Lukkekantar

 Lukkekantar var alt som mangla på denne løparen 
og dei to små brikkene.
No er dei endeleg heilt ferdige!
Litt sommarlege og vel rosa til denne årstida,
men løparen kan kanskje gå til påske.
Den er sydd etter eit AnnAKa-mønster.

17 februar 2016

Veggteppe

 Eg har vinterferie denne veka og ferierar heime.
Det betyr at ein får gjort litt av kvart,
 i tilegg til å slappe av.
Dette vesle veggteppet har eg jobba med ei stund,
 og no er det endeleg heilt ferdig. 
 Nest eldste sønn kjøpte seg hus for eit år sidan,
og han spurde om eg ville sy eit lite teppe 
til å dekke over sikringskapet i gangen. 
 Det hadde ingen hast, for han måtte male og pusse opp litt.
Gangen er malt (for lenge sidan) i ein gråblå farge, 
så forhåpentlegvis vil dette passe i fargane.
Det var vanskeleg å få eit godt bilde i dag.
Men får ta eit betre når teppet er på plass der det skal henge.
***
Teppet er sydd av ein ferdigpakke med passeleg store kvadrat
 til den minste twisterlinjalen.
 Elles har vi passa pusen til den same sønnen nokre dagar.
Det er veldig spanande for Max.  
Dei er ikkje akkurat bestevenner, 
men går ganske godt i lag.
Max ser etter pappa og Kornelius på fuglelivet på elva.

07 februar 2016

Ponchoen alle vil ha

 Første finish i februar er Ponchoen alle vil ha.


Eg har strikka ponchoen før, då i ein mørkeblå farge.
Hadde lyst på ein lysare variant også,
så eg begynte på denne i fjor haust.
Men då var eg for dårleg i armane til gjere den ferdig. 
 No gjekk det heldigvis fint.


31 januar 2016

Teppe i Pt2

 Eg har fått ein god start på året
 når det gjeld å gjere ferdig uferdige objekt.
Dette teppet begynte eg på for ca. fem år sidan.  
Mønsteret fann eg i eit av Pt sine mange fine interiørhefter.
(Pt design nr. 93)
Fem ulike fargar, fire ulike ruter.  
Rutene er montert diagonalt.
Eg brukte krok nr. 4 i staden for 5
 og hekla teppet mitt litt større enn det i mønsteret.
 (13x9 ruter)
Veldig mange trådar å feste!!  Over 1000, 
så det var ei tolmodighetsprøve eg ikkje vil anbefale!
Men teppet blei veldig fint det!  Tidlaust og klassisk.


Dette bildet blei tatt tidlegare i veka.  
Vi har meir snø no. 
 Kjekt å få besøk av svaner og stokkender.