"Space Invader"

Eg er blitt litt hekta på Arne og Carlos,
må eg innrømme.....
No har strikka
"Lue med Space Invader-mønster"
til nr. 3 som blir 15 år neste veke.

Dette heftet kan eg verkeleg anbefale.
Mønster på 12 flotte luer til ungdom
i Freestyle!

P.S Dei tradisjonelle mønstera frå Setesdal er bytta ut med pikselerte figurar frå det japanske dataspelet "Space Invaders" frå 1970-talet. Dette fordi A & C samarbeidde med eit japansk motehus då dei laga dette mønsteret for to år sidan.

Snøkrystall

I går kveld strikka eg mi første julekule, snøkrystall ,
akkurat i tide til den første snøen som kom i natt.
(Sjå fjella i bakgrunnen).
Eg har sjølvsagt kjøpt boka til Arne og Carlos,
og er i gang.
Kula er strikka i Finull.

Fleire haustbilder

I dag har vi vore ein tur på Veten.
***
Overskya og litt kald trekk,
men tørt og fint haustver.
Ein fin søndagstur!

Så litt epla-reklame!
Eg har nokre favorittbutikkar på epla,
og gurimalla er ein av dei.
Der kjøpte eg dette vesle pennalhuset,
som passar perfekt til heklekrokane mine!

Haust og huetid...

Dette mønsteret , Cairn, har eg også kjøpt for lenge sidan.
Det er eit Ysolda-mønster.
Denne lua er like fin til gutar og jenter /kvinner og menn.
Hadde tenkt å strikke den til meg sjølv,
men den blei litt lita og passa i staden perfekt
til Minstemann.

Garn: Sterk
Pinnar nr. 3 og 3,5.
Str. M

Gryteklutar

Endeleg har eg fått kjøpt batteri til fotoapparatet mitt!!
***
I haustferien har eg blant anna hekla desse gryteklutane,
som eg kjøpte mønster til for ei god stund sidan.
Det var vel på bloggen til Monai
eg såg linken til Ellen sine flotte mønstre.

Desse mønstrene heiter Sikksakk og Hjertegrytekluter.
Dei er hekla doble, så dei er tjukke og gode.
Dei blå er hekla i Bomull Sport frå Gjestal
og dei raude/kvite i Bjørk frå Viking.

Dei er fine på baksida og...

Lilla Sukkertøy

Desse pulsvarmarane er det Tora Frøseth som har designa.
Mønsteret heiter Sukkertøy.
Eg begynte på dei for ei god stund sidan,
men når ein har mange ting på gang,
tar det av og til litt tid før ting blir ferdig.....
Dei blei litt store i str. L,
sjølv om eg gjekk ned eit halvt nr. i pinnestr.,
så eg har tova dei lett for hand.
Då blei dei veldig passelege, lange og gode!
Garn: Hifa 2.

Vaffel-mønster

Blueberry Waffle sokkane ,
frå eit innlegg lenger nede på sida,
er no ferdige.
Dei skal eldstemann, Studenten få.
***
Det var spanande å sjå korleis garnet,
som eg kjøpte på denne epla-butikken,
blei når det det blei strikka.
Ganske bra, synest eg.
Det virkar veldig sterkt også.
Strikkar det samme mønsteret som dei grå.

Hals i Puno

Denne veka har det blitt mykje jobb og lite strikking.
Men litt strikking blir det alltid tid til...
Denne halsen tar berre nokre få timar å strikke.
Pinne nr. 10 og dobbelt garn.
Garnet heiter Puno Melange frå Rauma.
Halsen er strikka som eit rektangel ,
som er sydd saman på ein bestemt måte og bretta.
Enklare kan det ikkje bli.
Garnet er mjukt, varmt og herleg
(baby alpakka, ekstra fin merino og polyamid)

Har sydd på ein fin og eksklusiv handlaga perlemorsknapp.
Mønster på denne halsen fann eg i pt-design nr. 102.

Litt epla-handel har det også blitt.
Kjøpte dette lekre merino-sokkegarnet frå denne eplabutikken.

Sidan vi bur på vinterskyggesida,
er det like før vi misser sola for vinteren.
Då har vi fem sollause månader å sjå fram til.
Ikkje nokon kjekk tanke,
men det blir ein vane.
Har til gjengjeld sola lenge utover sommarkveldane.

Tjukke sokkar

Ikkje så spanande det eg strikkar på for tida.
Har strikka eit par sokkar i Ragg-Strømpegarn frå Hjertegarn.
Det andre paret er strikka i eit raggsokkgarn frå Løve garn, trur eg.
Begge er strikka på pinne nr. 4,5.
40 masker er passeleg til damestørrelse.
Desse sokkane er veldig varme, mjuke og gode.
Det lysegrå paret som eg gjer ferdig no,
er Blueberry Waffle socks i Perfect frå Sandnes.
Herrestr. på pinne 3,5.

Panneband i Eskimo

Fekk Familien nr. 20 i posten i går.
Der var det mønster på dette enkle pannebandet i Eskimo.
Du treng 50 gram Eskimo.
Legg opp 65 m. på pinne nr. 6 (Eg brukte 5,5).
Strikk rundt to omg. rett. Så to rette og tre vrange i 9 cm.
Fell av med r over r og vr over vr.
(Eg strikka ein rullekant på to omg. her og felte av med rette masker).
Dette var fort gjort.
Kjekt å strikke med tjukt garn på tjukke pinner,
men ikkje noko eg kan gjere for mykje av.
Ikkje bra for musklar og ledd.

Puter i full blomst....

Har fått nytt stitchery/quiltemønster også.
Desse putene er berre kjempefine.
Mønster av Bente Tufte.
Kjøpt hos Desiree.

Brave new knits

I går kom denne boka i posten!
Ei kjempefin strikkebok som eg berre MÅTTE HA!
26 av dei mest populære designerane på nettet,
har laga mønster spesielt for denne boka.
I tillegg til mønstrene,
står det eit stykke om kvar designar.

Her er nokre av dei.
Desse er designa av
Kirsten Kapur,
Wolly Wormhead,
Grumperina,
Ysolda Teague,
Clara Parkes
og Jared Flood.

Barnesokkar

Desse to sokkepara har eg strikka i Daletta frå Dale.
Str. 2 år.
Sel dei i Eplabutikken min.

Nøstemaskin og garnkjøp

I dag kom nøstemaskina som eg har bestilt frå
Terapi-Hobby (Hobbymarkedet) i Danmark.
Eg har eigentleg hatt lyst på ei slik lenge,
men det har ikkje blitt.
No når eg har fått og prøvd den,
skjønar eg ikkje korleis eg har klart meg utan :-)

Måtte prøve den med ein gong.
Veldig enkelt, rakst og kjekt!!

Meir garn er ikkje akkurat det eg treng mest,
men i dag var eg på garnsal og fekk alt Dale- og Sandnesgarnet
(Sisu, Smart, Mandarin Petit og Dale babyull og Falk til minus 60 %.
Regia til minus 20 %.
Måtte jo berre handle litt då, eller???