Eg har strikka ferdig desse fargerike vottane som eg begynte på i vinter ein gong. Det gjekk veldig fort på tjukke pinnar. Har brukt Heilo og Popcorn frå Dale. Mønter i hefte nr. 179. Eg tenket at eg ikkje skulle vere pingle, så eg tova dei på eit vanleg langtidsprogram i vaskemaskina saman med ei dongeribukse. Men då blei dei faktisk litt for små for meg, sjølv etter strekking og forming. Så då blir det nok julegåve i staden for.......
Vi feira litt Olsok i kveld med bål i fjæra. Det ser ut som vi har tenkt å brenne kanoen og, men det er ikkje tilfelle:)
To trøytte barn som snart er klare for senga!
Vi fekk tilbod om barnepass til minstemann i dag, og då nytta vi sjølvsagt høve til å gå ein liten fjelltur igjen!
Her er bygda sett gjennom Osgjølet. Litt spooky for folk med høgdeskrekk!
Dette er den siste kattungen vår, Rosa. Nokre dagar før vi reiste på ferie forsvann ho, og vi rekna med at vi ikkje kom til å sjå henne igjen. Men ho dukka opp på nabogarden, og no er ho vel heime igjen! Koseleg det, men kattemora vil ikkje vite av henne, så no håpar vi at vi finn ein ny heim til henne.....
Her kosar Rosa seg med ein fjellørret som vi fiska i dag!
I dag gjekk eg og mannen min ein av favorittfjellturane våra, nemleg opp til Veten og vidare til Ossetra. Flott utsikt og passe slitsomt....
I går var Lappetausa og eg på kosetur til Volda og Ørsta. Favorittbutikken vår der er Nettstrikk. Der er det mykje fint garn, flotte modellar og veldig god sørvis! Eg likte godt nokre lestar som var utstilt og til sals i butikken. Eg fekk kjøpt eit mønster og sette i gang straks eg kom heim. Hugsa etterkvart at å strikke lestar i stivt "gamaldags"- lestegarn ikkje er det beste for ryggen og skuldrane mine, så eg angra litt på garnvalet, men gode og varme blir dei nok!
Dette sjalet fanga og merksemda vår! Både Lappetausa og eg heiv oss på dette prosjektet i alpakka. 
Det er alltid spanande å sjå innom hobbybutikkar når ein er ute og reiser! Garnet kjøpte eg i Åre i Sverige. Dama på butikken meinte det var sokkegarn, men eg trur eg vil bruke det til noko anna... Ikkje noko namn på garnet, men det er melert og minner meg litt om Evilla. 60 kr for ca. 100 gram.....
Stitchery-mønsteret kjøpte eg på Husfliden i Mosjøen. Dette er visst blokk sju i eit teppe som heiter "Love is". Eg trur eg skal sy det i blått slik at det passar på kjøkkenet!
Eg er nettopp komen heim frå ein flott tur til Mosjøen og Herøyholmen i Nordland og Lycksele, Ørnskøldsvik og Åre i Sverige! Nord-Norge er jo den delen av Norge som har hatt finast ver i sommar, og vi hadde stort sett fint ver både der og i Sverige. Svigerinna mi kjem frå Herøyholmen, og vi var så heldige å få tilbringe ei helg i barndomsheimen hennar! fantastisk flott natur!
Dette bildet er tatt frå eigedommen til svigerinna mi. "Dønnamannen" i bakgrunnen.
Her er eit nattbilde der "Syv søstre" kan skimtast i bakgrunnen.
Eg var spent på å prøve det nye garnet som eg kjøpte på Hamar. Dette strømpeparet er strikka i Online fancy-color, 6 trådars garn. Det var supert å strikke med og resultatet blei ganske fargerikt!
Eg hadde ein fin tur på setra i går ettermiddag/kveld! Etter ei varm og solrik helg, var det nesten godt med litt overskya ver.
Selet vårt er det grå på det nederste bildet. 
No kan eg endeleg vise fram noko som er ferdig! Denne veska hekla eg sist veke då eg var på Hamar. Eg kjøpte garn og mønster på Nettstrikk i Volda i mai. Byrja på botnen like etter, men fekk det ikkje heilt til. Men på Hamarturen fekk eg hjelp av systra mi, som er litt meir inne i hekling enn kva eg er. Eg klarte til og med å overtale henne til å hekle samme veska sjølv, i litt andre fargar.... Vel, eg blei i alle fall veldig fornøgd med veska! Kjem kanskje til å hekle fleire, men kanskje eg då heklar i Muskat.
Der er eit gamalt ordtak som seier noko slikt som "Aften rød gjør morgen blød". Hugsar eg rett? Ordtaket stemde i dag i alle fall. Litt gråver og småregn er det ute....
