Mitt første Multnomah

Endeleg har eg prøvd dette mønsteret .

 Veldig enkelt og kjekt å strikke,

 så dette kjem eg heilt sikkert til å strikke fleire av! 

  Mitt Multnomah er strikka i Inca-alpakka frå Rauma.

Det veg ca 90 gram. 

Inca loar ganske mykje medan du strikkar,

men er veldig godt i bruk.

Vår :D

Garnstatus hittil i april:

Garn brukt: 400 gram.

Garn kjøpt:  300 gram.

Teppe med sikksakkstriper

Det er herleg å ha påskeferie,
berre synd dagane går så fort!
Vi har hatt fint ver dei siste dagane,
men det har vore kaldt.
Vi fyrer i ovnen nesten kvar kveld...
Eg har funne fram kassa med babyullgarn
og har hekla dette babyteppet.
Det gjekk fort med dobbelt garn og krok nr. 5.
Brukte mønsteret til
Bente Myhrer og Lilly S. Brandal
frå boka
Hekling- Gammel teknikk i ny design.

Garn brukt: 310 gram.
Garn kjøpt etter 1. april: 0 gram :D
(skal begynne å registrere garnforbruk og garnkjøp
for å motivere meg sjølv til å bruke av det
stadig veksande garnlageret mitt.
Håper det hjelper!)

Småting i bomull

Denne veka har eg tatt fram den store kassa mi med bomullsgarn.....
Minstemann hadde besøk av klassemaskoten LilleB ein dag.
Medan Minstemann gjorde lekser og skreiv i LilleB-boka,
hekla eg eit lite påskeskjerf til den søte apen :D

Så har eg bladd litt i hobbybøkene mine.
Blei inspirert til å strikke ein gryteklut
som eg fann mønster på i Brukt på nytt av Kathrine Gregersen.
Ei veldig kjekk bok som eg har brukt mykje.
Grytekluten er strikka dobbel på rundpinne nr. 4,5
med to trådar Mandarin Petit.
Til slutt hekla eg ein kant rundt.
Den blei tjukk og god!

Her er ei anna kjekk bok som eg har høyrt som digi-bok.
Veldig god, synest eg.
Og eg er visst ikkje åleine,
sidan dette er den største boksuksessen i Japan nokonsinne.
Gler meg til å høyre bok nr. 2 og 3 også!

Trekanta sjal

Har hekla nok eit trekantsjal av denne typen.
Denne gongen i Faerytail frå DSA.
Dette garnet er berre herleg!
Brukte akkurat to nøster og heklekrok nr. 6.
Fargen på dette sjalet er nydeleg, lys gråblå!

"Hverdags-luer"

Denne hua fann eg mønster på i boka

Strikk luer*votter*sokker av Ann Mari Nilsson.
Den er strikka i Hverdags frå Du Store Alpakka, dobbel tråd.
Den blei sånn ca. S/M i str.
Vurderer å strikke ei til med ein tråd Sterk og ein tråd Hverdags...
Likte veldig godt mønsteret og modellen.

Denne hua fall eg for med det samme eg såg mønsteret på Ravelry.
Hua heiter Season Hat og er designa av Jared Flood,
også kjend som Brooklyn Tweed.
Noko som passar godt sidan eg "samtidig" las boka
Brooklyn av den irske forfattaren Colm Toibin.
I denne romanen er der faktisk ein prest som heiter fader Flood....
Vel, også denne hua har eg strikka i Hverdags frå DSA.
Skulle gjerne likt å strikke den i originalgarnet,
Brooklyn Tweed Loft.

Sjal og hue

Det går i raske og enkle småplagg for tida....
Har strikka ei hue i Easy frå Sandnesgarn.
Den er strikka etter eit gratismønster
som finst på Sandnes si nettside her.
(Kit nr. 21)

Og så har eg hekla eit trekantsjal av Kauni-garnet
som eg viste fram i forrige innlegg.
160 gram var akkurat nok til eit lite sjal av denne typen.

Prøver å blåse litt liv i eplabutikken min,
og sender sjalet over dit.

Claudia scarf

Eg har hekla eit skjerf i Alpaca silk frå Viking.
Mønsteret heilter Claudia scarf,
og dette er det andre eg skjerfet eg heklar av denne typen.
Brukte fire nøster.
Eg synest dette skjerfet klør litt,
og det synest også andre som har prøvd det.
Men håper det gir seg litt i bruk....

Eg var ein snartur til Volda i dag,
og då blei det handla litt meir garn.
Inca alpakka frå Rauma,
er kanskje det alpakkagarnet eg likar aller best i bruk.
Og så eit nøste med Kauni som eg ikkje har prøvd før.

10 år gamal Ufo

I vinterferien begynte eg å sy saman desse strikka lappane

som eg har hatt liggande i snart ti år,
og no er teppet omsider ferdig!!Teppet er strikka i 100% spælsau-ull frå Norsk Kunstvevgarn AS.

Meininga var at det skulle bli ein del større, dvs. 30 lappar.
Men eg fann ut at det trass alt var betre at det blei eit lite teppe,
enn at det berre låg der uferdig.
Teppet blei faktisk ikkje så verst i størrelsen likevel
med sine 20 lappar.
Så eg er fornøgd, sjølv om eg nok hadde valt andre fargar
skulle eg ha strikka det i dag.

Mønsteret fann eg i boka Sommer gleder av Grete Gulliksen Moe.
Boka kom ut i 2001.

Enkle strømper

Eg har strikka ferdig to par strømper i tynn ull.
Paret til venstre er strikka i Silja, kjøpt på Spar Kjøp for mange år sidan.
Paret til høgre er strikka i Opal.
Paret i Opal er strikka delvis etter Blueberry Waffle-mønsteret.
Eg likar dette mønsteret veldig godt.
To omg. med to rette to vrange, og to omg. glattstrikk osv.
Mønsteret er enkelt og greit og gir god fasong!
Opalgarnet er også ein favoritt.
Silja-garnet er eg derimot ikkje så glad i.
Synest det blir for glatt, for lite "ullete" og verkar ikkje så varmt.
Men det er eit billig garn, så det er vel bra i forhold til prisen.

I vinterferien har eg lese denne boka på ca. 500 sider.
Romanen er ein engelsk bestseljar som er lettlesen og velskriven.
Handlar om fleire kvinnerskjebnar i ulike tidsepokar, eit familiedrama.

Vinteridyll

"Vinteridyll"-puta sydde eg for eit par år sidan.
Den er kjekk å ta fram kvar vinter.

I år har eg strikka mine første Selbuvottar.
Dei er langt frå perfekte
og er i største laget,
sjølv om dei er strikka i damestr.
Vottane er strikka i Heilo frå Dale.
Koks og naturkvitt er berre så fint til vottar av denne typen!

Mønsteret fann eg i boka Strikkelyst av Brandal og Myhrer.
Eg kjem nok til å strikke fleire Selbuvottar,
men vil bruke eit anna mønster neste gong.

Idyll på "skyggesida".

Kjekt i akebakken!

"Annes populære vott"

I morgon er det to veker sidan A's almanakk
pryda framsida av Allers,
og mange av oss strikkebloggarar kjøpte bladet
berre for å lese artikkelen om henne.
Eg har sett på desse vottane før,
men no blei eg skikkeleg motivert til å strikke dei.

Det raude paret er strikka i Freestyle frå Dale
og det blå i dobbel alpakka frå Drops.

Det var veldig enkelt, rakst og kjekt å strikke desse vottane!!

Bålveden på bildet er slikt som "vi"(gutta) har samla opp rundt naustet
etter Juleorkanen.

Hals og hue

For ei stund sidan begynte eg på ei hue i Odin frå Viking.

Eg tenkte at det måtte gå bra å strikke denne modellen i Odin.
I begynnelsen såg det veldig bra ut,
passeleg stort, og stripene var veldig fine,
men den ferdige hua blei altfor vid og stor.
Garnet var litt vanskeleg å få rekt opp,
så då kom eg på at det kunne bli til ein hals i staden for.
Eg rekte opp fellingane og auka ekstra ut.
Halsen er nydeleg å ha på,
og den ligg fint over skuldrane.
Den brune hua på bildet er strikka i Misti frå DSA.
Det er Hobbyugla som har laga mønsteret.
Har ikkje prøvd den enno, men den ser lovande ut.
P.S. (Ei veke seinare: Hua er skikkeleg god!!)

Etui til rundpinnar

I helga har eg sydd eit etui til å ha rundpinnar i.
Eg sydde etter mønsteret til Vanella.
Eit veldig greit steg for steg mønster med tekst og bilde.

Ein nydeleg søndag på Vestlandet.

Vi bur på skyggesida, så inga sol på oss enno.
Men trøysta er eit rikt dyre- og fugleliv....

Biblioteket her har begynt å ta inn digibok-kort.
Lånte og har høyrt Huset du elsket av
Saras nøkkel /Bumerang - forfattaren.
Denne boka var heilt annleis og hadde lite innhald.
Har høyrt at fleire har blitt veldig skuffa.
Men boka er grei nok å høyre på
viss ein har noko anna å gjere på samstundes .
Den har sine (få) lyspunkt.
Hovudpersonen skriv i eit brev
"....har du opplevd korleis ei bok fører deg vidare til neste bok"
. Huset du elsket førte meg i alle fall vidare til Madam Bovary,
som eg hadde ulest i bokhylla.

Januar - optimismens månad?

Kvart år i januar er eg full av optimisme

om kor flink eg skal vere i det nye året på fleire områder.
***
Når det gjeld handarbeid,
skal eg gjere ferdig uferdige prosjekt (som eg har rikelsleg av),
kjøpe mindre garn,
bruke av garnlageret (som veks for kvart år)
og vere ferdig med eventuelle julegåver i god tid.
Av erfaring veit eg at dette ikkje går så bra, men ein kan alltids håpe...
***
Eg ser rundt om på hobbybloggane at eg ikkje er åleine om desse nyttårsforsetta,
og det er inspirerande å lese om planane som folk har for det nye året.
***
For meg starta det bra i år.
Eg blei ferdig med nissefamilien min,
(sjølv om far manglar og eg ser at eg burde ha strikka vottane og ....)

Eg har dessutan leita fram denne garnpakken
som eg kjøpte for 5-6 år sidan.
Det er mønster, garn og knappar til Kalvågjakka.
Eg begynte på den for mange år sidan, og var ferdig med brotet.
Trur det stoppa opp fordi eg var i tvil om størrelsen,
og fordi det tok utruleg med tid å nøste opp garnet.
Då eg kjøpte meg nøstemaskin for 1-2 år sidan,
gjekk nøstinga som ein leik.
No har eg strikka ferdig nesten to border av mønsteret.
Garnet er kamgarn frå Hillesvåg Ullvarefabrikk.
Jakka er strikka i dobbel tråd (ein veldig tynn tråd og ein litt tjukkare).
Garnet er herleg å jobbe med, og det blir veldig fint, mjukt og lett.
Håper eg kan bli ferdig med denne i 2012!!

Eg har strikka eit par sokkar i Fabel etter eit mønster
eg fekk av Lappetausa.

.....Samtidig som eg høyrde denne lydboka.

No har eg begynt å lese Barnepiken.
Trur eg må vere ein av dei få som ikkje har lese den enno eller sett filmen.
***
Denne veka såg eg Møte med Margueritte på DVD.
Eg las boka Å telle duer i januar i fjor.
Ei sjarmerande lita bok.
Blogga om det her.
Gerald Depardieu spelar hovudrolla i filmen
og passar utruleg godt i rolla som Germain.
(Akkurat som han passar perfekt i dei andre rollene han har spelt!!)

Farvel til jula

Denne helga har eg rydda vekk jula.
Eg hadde bestemt meg for ikkje å pakke vekk
nissefamilien før den var heilt ferdig.
Før jul strikka og tova eg skjørt og bukse + to par tøflar.
***
Motivasjonen var ikkje på topp,
men no i helga tok eg meg saman og strikka
genser og sjal til nissejenta + tøflar til ho mor.
Så då anser eg meg som ferdig
med ein gammal UFO.
***
Vottane hoppa eg over..........

Nissekroppar og mønster: Fagstrikk
Garn: Pt 2

Årets første.....

Åretes første "finish" er eit herleg skjerf i Puno frå Rauma.

Mønsteret fann eg i Rauma alpakka 9.

Årets første bok på øyret er Bumerang.
Saras nøkkel høyrde eg i oktober.
Likte begge bøkene godt!

Årets første film/DVD.
Eg likte denne nyinnspelinga av Jane Eyre veldig godt.
Romantisk!
***
Årets første mønster kjøpt på Ravelry :D