Eg har begynt å stikke igjen, og no går det bra med hensyn til armane :-)
Skjerfet er strikka i Miski, som er eit supermjukt garn i babylama. 
Dette er ikkje meg (dessverre..), men eit bilde henta frå heftet som eg fann mønseteret i.
Eg må berre vise fram "kjøkkentinga"
Vi har hatt kjempefint haustver så langt!
Det er flott natur i Stigedalen. 
Denne helga er det messe i bygda, og det betyr mange gode tilbod i butikkane.
Hos Siv på Lappestua, ein annan fin quiltebutikk her med stort utval av mønster og bøker, kjøpte eg dette fine veskemønsteret pluss fire stoffbitar til 15 kr stk.
Det blei mykje shopping og butikkar på meg i London, så i dag hadde eg litt abstinens og måtte handle litt igjen :-)
Eg var innom Ingun på Primula, som av visse forståsegpåarar er kåra til den beste quiltebutikken mellom Bergen og Ålesund (kanskje Trondheim).
Veska som alt ligg i kjøpte eg på Europris for 20 kr!!
Vi er vel heime igjen etter ei fin helg i London saman med Strikkefar sine kollegaer med fruer.
Vi flaug frå nydeleg ver her heime, men det var fint ver i London og, heldigvis.
Laurdag var vi i Notting Hill/ Portobello Road og såg på laurdagsmarknaden. Kjempemykje å sjå og masse folk. Likevel var det veldig roleg og fin atmosfære der. Koselege og fargerike hus. I det grønne huset budde George Orwell.
I enden av butikken var der ein liten kafe med mykje god mat!
Mykje å få kjøpt på marknaden av gammalt og nytt. Etter Notting Hill filmen med Hugh Grant, er det blitt meir trendy og dyrare der, visst nok..
Handverk. Gode tips for oss lærarar.
Litt sightseeing blei det også tid til. Det er 23 år sidan sist eg var i London, så "London Eye" var nytt for meg.
Big Ben er vel obligatorisk.
Cheers London i Regent street, ein av dei mange tusen pubane i London.
Heilt sidan eg fekk sett og prøvd Lappetausa si nydelege "storkesaks" kjøpt i Madrid i sommar, har eg hatt lyst på ei slik ei. Lita og hendig å ha med seg til handsaum t.d. I dag var eg innom garnavdelinga til Mega, og der hadde dei jammen fått inn slike sakser, dog i ein litt billegare kvalitet. Men den funkar og kosta berre 37 kr!
Dette sjalet vart eg ferdig med for litt sidan. Samme mønster som det lilla, men hekla i Mirasol alpakka, eit herleg og bortimot kløfritt akpakkagarn. Brukte 100 gram.
I går fekk eg sydd litt igjen. Det er forresten ikkje mange saumane, men likevel....
Her har eg lage ein mindre og enklare modell med tanke på tekstilformingstimane på skulen.
Eg vil verkeleg anbefale desse danske bøkene til Anne-Pia Godske Rasmussen, særleg "Træd nålen" og "Tag tråden opp". Eg har samla nokre år, og er komen opp i sju bøker. Den første kjøpte eg på ferie i Danmark i 2002.
Eg kom på ,etter at eg hadde laga dette innlegget, at eg har ei bok til av denne forfattaren. Det er den siste som heiter "Hånd i hanke", også ei kjempefin bok! Dermed blir det åtte bøker :)
No føler eg at eg ligg godt an i høve årets julegåver! Svigerforeldrene mine reiser nemleg nordover i morgon, så då må vi nytte høvet og sende med julegåver til familien "der oppe".
I går kom svigermor med desse nydelege rosene frå hagen sin. Kanskje nokon veit kva dei heiter? Dei luktar i alle fall utruleg godt!
Heile familien har vore sjuke i tur og orden dei siste tre vekene. Vi har hatt feber, sår hals, hoste osv. Dei siste dagane har det vore min tur. I dag var eg ikkje i form til husarbeid, turgåing eller noko, så det blei stillesittande aktivitet. Men...... i staden for å lese ei bok, har eg sydd ei bok.
Når boka er igjen, måler ho 12 x 12 cm. Eg kjem nok til å lage flerie sånne.
Plutseleg vart det haustleg ute, men i morgon skal det visst bli kjempefint ver.....
I dag har det vore bursdagsfeiring igjen i familien. I tillegg til mine eigne fire barn, er eg tante til sju andre barn/ungdommar som bur i nærleiken her, så det seier seg sjølv at det blir nokre barneselskap i løpet av eit år! I dag var det det minste tantebarnet mitt som jubilerte og vart heile åtte år. Eg begynte å strikke på bursdagsgåva hennar i vår, men så blei det full stopp med strikking med meg, så den vart dessverre ikkje ferdig. Får håpe den kan bli julegåve i staden for. Men eit lite heklaskjerf blei gjort ferdig no på tampen. Det er hekla i Tuva frå Europris, og vart mjukt og godt (og kløfritt...) Eg brukte eit mønster som eg fann i Dalegarn -mini- nr. 192.
