Juni

Det har vore liten aktivitet på bloggen min 

denne våren/sommaren.  

Juni, min favorittmånad, er snart over,

så det hastar med ei lita oppdatering.

I år har vi halde på med ein del

 oppussing og opprydding i heimen.

Vi har budd i dette huset i snart tretti år,

og no var det på tide å pusse opp badet.  

I tillegg har vi malt loftstova,

og nokre møblar.

Vi har og ommøblert og laga oss spisestove.

Det blir mykje rot undervegs,

og eg har vore lite inspirert til blogging.

 Men det blir no alltids tid til litt handarbeid.

Eg har hekla nesten ferdig to tepper av denne typen.

Det er v-masker og ganske enkelt og raskt å hekle.

Skal komme tilbake med fleire bilde seinare,

 når dei er heilt ferdige.

Eg har brukt single nøster og restegarn.

Av dei minste restane heklar eg sirklar,

som skal bli til kvadrat.  

Mønster på bloggen til Solstrikke.

 Løparen under har eg sydd etter eit mønster i 

Quiltemagasinet.  

Blokkene i midten er sydd på papir.
Det var nytt for meg,
så eg gjorde feil og blokkene blei
mindre enn dei eigentleg skulle bli.

Denne boka anbefaler eg viss ein vil lære seg å rydde,

eller treng inspirasjon.  

 I begynnelsen av juni var vi ein tur til koselege Alcudia på Mallorca.  

Denne karen stiller ikkje lenger så velvillig opp når mor vil fotografere.

Mykje kjekkare når fotografen er profesjonell  

(i tillegg til søt, spansk senorita).

Regionstreff i Førde

 For snart ein månad sidan var Lappetausa og eg på regionstreff i Førde.

Vi benka oss på første rad for å høyre og sjå Trine Bakke
frå Lappemakeriet på Bærums verk.

Eg har alle quiltebøkene til Trine og likar dei veldig godt!
Eit kjekt og inspirerande foredrag!

Teppet under er det nye månadsteppet til Lappemakeriet.

Det heiter Ole Brumm og har bjørneklomønster.

Veldig fint!

To til halsen

Det er ei stund sidan forrige innlegg her på bloggen, 

men no skal eg prøve å komme i gang igjen.  

Det har blitt ein del hekling i vår.  

Har fleire tepper på gang,

så eg får vel prøve å fullføre nokre av dei snart.

Det som er ferdig er dette sjalet hekla i Tumi frå Rauma.

Mønsteret ligg ute gratis og heiter Claudia scarf.

Eg har hekla dette to-tre gongar tidlegare.

I vinter kjøpte eg to nøster Sandnes tweed til halv pris.

Visste ikkje heilt kva eg skulle bruke garnet til,

men eg hadde lyst til å prøve det.

Det enkle er ofte det beste,

så det blei eit lite sjal i rillestrikk.

Sjalet blei veldig mjukt og godt å forme rundt halsen.

Vår

 Skjerfet frå forrige innlegg er ferdig. 

 Eg brukte 3,5 nøster med Navia, eintråda. 

Perlestrikk, dobbel tråd og pinne nr. 5,5.

Etter at skjerfet, blei vaska blei det mjukare og lengre.

 Så det kan hende det hadde gått med tre nøster.

Så har eg sydd ein påskeløpar.  

Brukte den mellomste twisterlinjalen og stoff frå lageret mitt.

Vår og snart påske!

Fortsatt mange svolte svaner i elva.

På pinnane

Eg har begynt å strikke eit skjerf i perlestrikk. 

 La opp 42 masker på pinne nr. 5,5 

med dobbel tråd eintråda Navia.
Reknar med å bruke tre nøster i alle fall.

Det er ikkje det mest spanande arbeidet,

men det hjelper å ha desse fantastiske 

firkanta KnitPro-pinnane :)

Lukkekantar

 Lukkekantar var alt som mangla på denne løparen 

og dei to små brikkene.

No er dei endeleg heilt ferdige!

Litt sommarlege og vel rosa til denne årstida,

men løparen kan kanskje gå til påske.

Den er sydd etter eit AnnAKa-mønster.

Veggteppe

 Eg har vinterferie denne veka og ferierar heime.

Det betyr at ein får gjort litt av kvart,

 i tilegg til å slappe av.

Dette vesle veggteppet har eg jobba med ei stund,

 og no er det endeleg heilt ferdig. 

 Nest eldste sønn kjøpte seg hus for eit år sidan,

og han spurde om eg ville sy eit lite teppe 

til å dekke over sikringskapet i gangen. 

 Det hadde ingen hast, for han måtte male og pusse opp litt.

Gangen er malt (for lenge sidan) i ein gråblå farge, 

så forhåpentlegvis vil dette passe i fargane.

Det var vanskeleg å få eit godt bilde i dag.

Men får ta eit betre når teppet er på plass der det skal henge.
***
Teppet er sydd av ein ferdigpakke med passeleg store kvadrat
 til den minste twisterlinjalen.

 Elles har vi passa pusen til den same sønnen nokre dagar.

Det er veldig spanande for Max.  

Dei er ikkje akkurat bestevenner, 

men går ganske godt i lag.

Max ser etter pappa og Kornelius på fuglelivet på elva.

Ponchoen alle vil ha

 Første finish i februar er Ponchoen alle vil ha.

Eg har strikka ponchoen før, då i ein mørkeblå farge.

Hadde lyst på ein lysare variant også,

så eg begynte på denne i fjor haust.

Men då var eg for dårleg i armane til gjere den ferdig. 

 No gjekk det heldigvis fint.

Teppe i Pt2

 Eg har fått ein god start på året

 når det gjeld å gjere ferdig uferdige objekt.

Dette teppet begynte eg på for ca. fem år sidan.  

Mønsteret fann eg i eit av Pt sine mange fine interiørhefter.
(Pt design nr. 93)

Fem ulike fargar, fire ulike ruter.  

Rutene er montert diagonalt.

Eg brukte krok nr. 4 i staden for 5
 og hekla teppet mitt litt større enn det i mønsteret.

 (13x9 ruter)

Veldig mange trådar å feste!!  Over 1000, 

så det var ei tolmodighetsprøve eg ikkje vil anbefale!
Men teppet blei veldig fint det!  Tidlaust og klassisk.

Dette bildet blei tatt tidlegare i veka.  

Vi har meir snø no. 

 Kjekt å få besøk av svaner og stokkender.

Ribbehals i Hexa

 Denne veka har eg strikka Ribbehals i Hexa.  

Gratismønster på Marte Helgetun si side.

Herleg mjuk og kløfri i nydeleg turkisblå farge.
Passar godt til vinterkalde januar.

Fanakofte i svart og kvitt

Denne Fanakofta begynte eg på hausten 2014. 

 Eg la opp til str. L og strikka halve bolen, 

før eg såg at den blei altfor stor.

 Eg rekte opp og strikka den i M i staden for, 

noko eg er glad eg gjorde.

Kofta er fantasktisk god.  Mjuk, lett og passeleg varm.

Dette er mitt første og desidert ikkje siste plagg strikka i Tumi frå Rauma!!

***

Mønster på kofta fann eg i dette heftet.   

Rosegenser

 Årets første "finish"  er ufoen Rosegenser. 

Gratismønster frå ull.no.

Garn:  Norsk Pelsullgarn frå Hillesvåg.

Det er første gang eg strikkar med dette garnet.

Det er godt å jobbe med, og plagget blir lett og fint.

Augene mine blei imidlertid veldig tørre og såre av å strikke med dette garnet, 

kombinert med mange minusgrader ute og vedafyring.

Så det er sikkert difor eg la arbeidet vekk for eit år eller to sidan.

Men eg trur ikkje det blir noko problem å bruke genseren.

Eg synest den blei fin og passeleg.

Strikke/hekleåret 2015

 Her er dei store prosjekta mine i 2015.

Løpar i julegåve

 Til jul fekk eg denne fine løparen av Lappetausa.

Herlege fargar å pynte med no etter at juleløparane er pakka ned.

 Skulle nesten tru det var denne framsida som inspirerte Elin.

 Det blei ein del turar i skogen i juleferien.

Her er eit eksempel på kva storm og orkan har ført til dei siste åra.

Utsikt over fjord og fjell er alltid bra for sjela :)

Godt nytt år!