"Midi" Twister

 Eg har sydd meg ein sommarleg twisterløpar.

Dette er førte gongen eg prøver twisterlinjalen,

men heilt sikkert ikkje den siste. 

Kjempegøy!

 

Hekla pledd på gang....

Eg har alltid nokre hekla pledd på gang....

I vår og sommar har eg hekla litt på det brune pleddet mitt,

som eg begynte på for nesten to år sidan.

Mønsteret på det står i eit interiørhefte frå Pt.

No er eg ferdig med ca. 2/3 av pleddet,

og eg trur eg kjem til å bli veldig fornøgd. 

Det einaste negative med dette prosjektet,

er at det er veldig mange trådar å feste!!

 Dette lappeteppet begynte eg på i fjor sommar.

Det er eit søtt sommarpledd i Finull, PT 2 og litt broderitråd.

Eg får berre lyst til å hekle på det når sola skin,

og det er varmt og fint.

Så det er eg ikkje komen så langt på enno...........

 

Besøk av Lappetausa

 Eg er så heldig å bu i nærleiken av

ikkje mindre enn tre veldig kjekke hobbybutikkar.

Her er Elin (Lappetausa) og eg

 inne hos Ingun på Primula Design i Eidsgata.

 Elin hadde med Annes sommerduk,

som no berre manglar lukkekant.

Den blir veldig fin!!

 Eit lite utval av det som finst i butikken.

 

Lita brikke

Har gjort ferdig ei lita brikke.

Sydd av vannglass som var til overs.

Engelsk papirsaum

Elin og eg har jobba med engelsk papirsaum

denne sommaren.

Vi bestilte startpakke frå Lappe Makeriet,

som inneheldt stoff og pappmalar.



Så langt var Elin komen på sin duk sist vi var i lag.

I kveld var eg på sytreff med to kollegaer,

som eg og syr saman med.

Ann Margret begynte etter oss,

 men er allereie ferdig med toppen.

Ho har brukt stoff frå det rikhaldige stofflageret sitt!

Eg er den som er komen mist langt,

bortsett frå Britt som ikkje er begynt enno, men har planar.

Her er nokre av mine stjerner. 

Eg har begynt å sy dei saman,

men får vise det ein annan dag.

 Slik såg stoffpakken min frå Lappe Makeriet ut.

Liten løpar

I dag regnar det i bøtter og spann,

så syrommet er ingen dum plass å vere.....

Har kvilta og sydd lukkekant på ein løpar

 som har vore ferdig ei stund.

 

Tur til Kongsberg

 Har vore ein liten tur til Kongsberg.

 Veret var nydeleg!

God stemning og mykje folk som kosa seg

med den årlege jazzfestivalen.

 Norges største kyrkje i bakgrunnen.

 Like ved kyrkja fann eg denne store og fine garnbutikken!

Trur den heiter Strikkestua.

 

Hekla nett

 Dette nettet har vore ferdig ei stund. 

 Mønsteret fann eg i eit handarbeidsblad frå Allers,

trur eg....  

Der var det hekla i Falk,

 men eg hekla mitt i Muskat frå garnlageret.

 Då eg var på fjellet i går,

 fekk eg strikka ferdig dette sokkeparet i restegarn. 

Det er strikka med dobbelt tynt sokkegarn.

 

Sommarleg brikke

Eg har fått sommarferie og kosar meg heime.

Har sydd "stor brikke" etter AnnAKa sitt mønster "Forglem meg ei".
Ei enkel, rask og kjekk brikke å sy!

 

 

Rosa løpar

 Eg har sydd ein veldig rosa løpar. 

Dei fleste av desse stoffa har eg hatt i mange år. 

Fem av dei fekk eg i gåve av ei kusine av mannen min,

som bur i New York.

Vi var på søskenbarntreff på Sørlandet i 2004,

og då kom ho med ei skoeske full av

 Fat Quarters i alle regnbuens fargar. 

Utruleg kjekk gåve å få!!
Eg er i utgangspunktet ikkje så sprek i fargevalet,
 men det er kjekt å utfordre seg sjølv av og til!

 

Nesten sommar

 Nokre stemningsbilete frå hagen.

Vi har hatt mange fine dagar dei siste vekene.

Endeleg kom våren for fullt, og sommaren er like rundt hjørnet.

Eg har handla plantar og "Strikkefar" har fått dei i krukker. 

 Ikkje så mykje planting i bed denne sommaren på grunn av kvalpen vår :D

 

 Litt garnslanking har det blitt. 

 Dette sjalet er hekla i eit litt grovt silkegarn.

Og teppet frå innlegget under er heilt ferdig. 

Det er hekla i Finull og Pt 2, for det meste.

Rutene hekla eg for eit års tid sidan. 

 Greit å få dei hekla saman til eit teppe,

sjølv om også dette teppet eigentleg var tenkt å bli større.
Men betre lite og ferdig enn stort og uferdig!!

 

Pinsehelga

Eg må innrømme eg er blitt litt smitta av linjaldilla eg og....

Før 17. mai fekk eg låne nokre "slipslinjalar"

(Circle wedge ruler).

Eg hadde besøk av Elin (Lappetausa), og vi prøva og feila.

Først begynte eg på ein svingete løpar

 (som ikkje er ferdig enno).

Etterpå sydde eg denne enkle, superraske 17. mai løparen,

 som kanskje kan brukast som ein litt maritim duk også ?

Kjekt å lage noko som blir ferdig på ein kveld

av og til.....

Litt gjenbruk blei det også.

Lukkekanten er sydd av ei gammal gardinkappe!

 Vi har hatt nydeleg ver sidan 17. mai. 

Særleg dei to siste dagane har det vore veldig varmt og flott ver. 

Endeleg kom våren og vel så det!

 Ufo-teppe nr. to er snart ferdig. 

Dette pleddet er hekla i Finull og Pt 2 (for det meste).

Eg har hekla saman lappane,

 hekla kant rundt og held no på å feste dei siste trådane.

Tok det med ut til naustet då vi var der

og beundra solnedgangen i halv ti-tida i kveld.

Max er blitt stor,

 men han ser kanskje ekstra stor ut på dette bildet :D

Hekla pledd

Eg har ein del halvferdige pledd liggande.

No har eg hekla saman desse oldemorsrutene

til eit kvadratisk pledd.

Pleddet skulle eigentleg bli ein del større,

men eg orka rett og slett ikkje meir.

Garnet var tynt og glatt og kroken liten.....

Men resultatet blei greit nok det.

Kjekt med pledd i ulike storleikar.

Neste gong eg skal hekle med tynn alpakka,

 skal eg bruke dobbelt garn!!

***

Garn:  Restar av Drops alpakka og DSA tynn alpakka.

Krok:  nr. 3.

 

Oslotur

 I slutten av april var eg ein liten tur til Oslo.

Hovudmålet for turen var konsert med Bruce Springsteen,

 men det blei tid til eit lite besøk hos Kathrines Quiltestue også. 

Dette er mitt første besøk på denne flotte butikken.

 Eg såg på facebook om morgonen at butikken var stengt

til klokka tre på grunn av sjukdom.

 Kjekt at den opna klokka tre i alle fall,

 så eg fekk ein liten titt, før middag og konsert.