Det blei tur til Ossetra også denne søndagen. I motsetnad til sist søndag, var det i dag fantastisk flott haustver her! Vi har hatt fire dagar utan regn, så stien var fin og relativ tørr.
Eg måtte berre ta nokre bilder av dei vakre haustfargane.
Denne "taggen" fekk eg av Lappetausa. Thanks!
...denne var berre så fin, synest eg! Eg strikkar han i Falk, jeansblå og lysegrå str. 6 år, til Henning sjølvsagt. Det er første gang eg strikkar raglan på denne måten, dvs. at ermane skal syast i etterpå. Tøff guttegenser, kva?
Her på Vestlandet har veret vore dårleg stort sett heile august og september. Men ein kan jo ikkje berre bli sittande inne for det. Dette er andre søndagen på rad at eg har trassa ver og vind, kledd meg godt og gått på setra. Det er eit tiltak, men utruleg herleg når ein fyrst kjem seg ut! Eg likar godt fjellet om hausten. Fantastiske fargar skapar flott stemning. Vi er heldige som har eit gamalt sel (hytte),kor vi kan søkje tilflukt når det regnar.
Desse strømpene har vore nesten ferdige ei stund. Til venstre "Jeep-sokkar" til 3-åringen. Eg brukte eit nøste Sisu og fekk akkurat litt for lite garn. Viss ein ser godt etter, ser ein at eine tåa er i ein annan (men liknande) farge... Til høgre eit par til same karen strikka av ein rest Online.
Denne helga er det Eidamesse og mange gode tilbod i butikkane, trur eg. Eg har ikkje sett så mykje enno, men skal ha meg ei runde i morgon. Men eg rakk ein tur inn om "En Rød Tråd" der det var halv pris på alt Opalgarnet! Eit slikt tilbod må ein jo berre slå til på, uansett kor mykje garn ein har liggande, eller kva? "slange" til venstre og "tukan" til høgre.
Det går framover med Spidermanteppet mitt. Teppet er ca. 85 cm no. Eit kjekt prosjekt, som nok skal bli ferdig i løpet av hausten! 
Eg har dessutan starta på ikkje mindre enn tre ting siste veka.......flau........Heldigvis relativt små prosjekt.
Det er alltid kjekt å få pakke frå Royal Mail! I dag kom denne flotte strikkeboka i posten. Eg er ikkje medlem av nokon bokklubb, og kjøper sjeldan skjønnlitterære bøker, men ei hobbybok i ny og ne, det unner eg meg!! Denne boka har eg kjøpt hos Handknit.
Tema i boka er sofa/sengetepper. Her kan ein blant anna velje om ein vil strikke blomar, stjerner eller hjarter. Dette er berre fire av dei flotte teppene i boka... :)Happy(:
I dag hadde vi ein fin spasertur frå Stigedalshytta til Sagesetra. Ein mann vi møtte på vegen sa han hadde fått sjokk då han vakna i dag og det ikkje regna! Det fortel litt om det håplause veret vi har hatt her den siste tida (sidan midten av juli faktisk)! Men regnet kom sjølvsagt i dag og....
Vakker natur uansett ver og årstid! Fleire bilder her.
Eg kjøpte meg ei ny strikkebok i dag, måtte berre ha denne!......Mange fine mønster både til baby, barn og vaksne (damer). Garn kan ein kjøpe hos Nøstebarn. Eg har prøvd både to - og tretråds merinoull, og likar begge godt! Då min son nr. 3 var baby for 10-12 år sidan, strikka eg til og med ullbukser og brukte tøybleier, men då var eg nok inne i ei spesielt miljøvennleg fase.....
Eg har allereie begynt på nytt hekleprosjekt! Dette Spiderman-teppet er ein Along på Hobbyboden for tida. Eg har ikkje meldt meg på, men fann mønsteret der. Dette er fyrste gongen eg heklar etter eit engelsk (amerikansk) mønster, men det går greit! Trur i alle fall det er nokolunde rett.. Dette er berre begynnelsen. Teppet skal bli mykje større, og det er nok Henning som blir den lykkelege eigar...Han er veldig opptatt av Spiderman, sjølv om han ikkje har sett filmane... Mønsteret ligg her. Eg heklar i Smart og brukar krok nr. 4.
Eg har hekla ferdig løparen min og er godt fornøgd med resultatet! Mønsteret fann eg i eit nytt interiørhefte frå Gjestal. Garnet som er brukt heiter Gjestal Ullteppegarn. Det er mykje fint i heftet, så eg kjem sikkert til å lage fleire av modellane.
Her er løparen før vask, og før eg festa trådane og hekla kant rundt. Ca. 100 cm lang.
Det er alltid spanande å tove i maskin....
Eit kjekt og raskt prosjekt! 
