Strikkemor(o)

Etui til rundpinnar

2012-01-29T21:24:00.011+01:00

I helga har eg sydd eit etui til å ha rundpinnar i.
Eg sydde etter mønsteret til Vanella.
Eit veldig greit steg for steg mønster med tekst og bilde.

Ein nydeleg søndag på Vestlandet.

Vi bur på skyggesida, så inga sol på oss enno.
Men trøysta er eit rikt dyre- og fugleliv....

Biblioteket her har begynt å ta inn digibok-kort.
Lånte og har høyrt Huset du elsket av
Saras nøkkel /Bumerang - forfattaren.
Denne boka var heilt annleis og hadde lite innhald.
Har høyrt at fleire har blitt veldig skuffa.
Men boka er grei nok å høyre på
viss ein har noko anna å gjere på samstundes .
Den har sine (få) lyspunkt.
Hovudpersonen skriv i eit brev
"....har du opplevd korleis ei bok fører deg vidare til neste bok"
. Huset du elsket førte meg i alle fall vidare til Madam Bovary,
som eg hadde ulest i bokhylla.

Kalvågjakka

2012-01-22T14:31:00.006+01:00

Denne veka har eg halde meg trufast til Kalvågjakka
og er dermed kome eit stykke vidare.
Fotoapparatet mitt har gjort blåfargen altfor lyseblå.
Den er eigentleg lys sjøgrønn.
Sjå rett farge og les om historia til jakkemønsteret her.

Januar - optimismens månad?

2012-01-14T12:42:00.014+01:00

Kvart år i januar er eg full av optimisme

om kor flink eg skal vere i det nye året på fleire områder.
***
Når det gjeld handarbeid,
skal eg gjere ferdig uferdige prosjekt (som eg har rikelsleg av),
kjøpe mindre garn,
bruke av garnlageret (som veks for kvart år)
og vere ferdig med eventuelle julegåver i god tid.
Av erfaring veit eg at dette ikkje går så bra, men ein kan alltids håpe...
***
Eg ser rundt om på hobbybloggane at eg ikkje er åleine om desse nyttårsforsetta,
og det er inspirerande å lese om planane som folk har for det nye året.
***
For meg starta det bra i år.
Eg blei ferdig med nissefamilien min,
(sjølv om far manglar og eg ser at eg burde ha strikka vottane og ....)

Eg har dessutan leita fram denne garnpakken
som eg kjøpte for 5-6 år sidan.
Det er mønster, garn og knappar til Kalvågjakka.
Eg begynte på den for mange år sidan, og var ferdig med brotet.
Trur det stoppa opp fordi eg var i tvil om størrelsen,
og fordi det tok utruleg med tid å nøste opp garnet.
Då eg kjøpte meg nøstemaskin for 1-2 år sidan,
gjekk nøstinga som ein leik.
No har eg strikka ferdig nesten to border av mønsteret.
Garnet er kamgarn frå Hillesvåg Ullvarefabrikk.
Jakka er strikka i dobbel tråd (ein veldig tynn tråd og ein litt tjukkare).
Garnet er herleg å jobbe med, og det blir veldig fint, mjukt og lett.
Håper eg kan bli ferdig med denne i 2012!!

Eg har strikka eit par sokkar i Fabel etter eit mønster
eg fekk av Lappetausa.

.....Samtidig som eg høyrde denne lydboka.

No har eg begynt å lese Barnepiken.
Trur eg må vere ein av dei få som ikkje har lese den enno eller sett filmen.
***
Denne veka såg eg Møte med Margueritte på DVD.
Eg las boka Å telle duer i januar i fjor.
Ei sjarmerande lita bok.
Blogga om det her.
Gerald Depardieu spelar hovudrolla i filmen
og passar utruleg godt i rolla som Germain.
(Akkurat som han passar perfekt i dei andre rollene han har spelt!!)

Farvel til jula

2012-01-08T18:36:00.007+01:00

Denne helga har eg rydda vekk jula.
Eg hadde bestemt meg for ikkje å pakke vekk
nissefamilien før den var heilt ferdig.
Før jul strikka og tova eg skjørt og bukse + to par tøflar.
***
Motivasjonen var ikkje på topp,
men no i helga tok eg meg saman og strikka
genser og sjal til nissejenta + tøflar til ho mor.
Så då anser eg meg som ferdig
med ein gammal UFO.
***
Vottane hoppa eg over..........

Nissekroppar og mønster: Fagstrikk
Garn: Pt 2

Årets første.....

2012-01-06T19:41:00.014+01:00

Åretes første "finish" er eit herleg skjerf i Puno frå Rauma.

Mønsteret fann eg i Rauma alpakka 9.

Årets første bok på øyret er Bumerang.
Saras nøkkel høyrde eg i oktober.
Likte begge bøkene godt!

Årets første film/DVD.
Eg likte denne nyinnspelinga av Jane Eyre veldig godt.
Romantisk!
***
Årets første mønster kjøpt på Ravelry :D

Hobbyåret 2011

2012-01-02T00:45:00.017+01:00

Hobbyåret 2011 starta med ein kraftig senebetennelse i høgre alboge.
Dette førte til at stitchery og hekling
blei hovudaktivitetane det første halvåret.
Eg hadde heilt dilla på å hekle sjal ei stund,
men blei kurert til slutt.
Her er dei fleste av dei pluss to halsar.
Om sommaren likar eg å jobbe med bomullsgarn,
så då det blei hekla ein del andre småting.

Etter eit halvt år var eg heilt fin igjen i albogen,
og det blei strikking av småplagg igjen.

Eg fekk sydd nokre småting også i år.

Det eg er mest nøgd med sjølv er
denne duken eller bakstekledet,

og dei fire trekantveskene som eg sydde
etter Vanella sitt mønster.

Når det gjeld strikking er eg mest nøgd med
kalendaren som eg strikka i november.
***
Dette er tre av dei beste bøkene eg las i 2011.
Alle tre er sterke bøker som etter mi meining er utruleg godt skrivne.
Skråning gjorde så sterkt inntrykk,
at eg måtte ha lesepause minst ein månad etterpå.

Godt nytt år!

To enkle halsar

2011-12-30T23:22:00.015+01:00

Eg har strikka to enkle halsar i tjukt garn på tjukke pinnar.
Den grønne er strikka i Balder frå Viking.
Inspirasjon og mønster fann eg i boka Lune masker.

Så ein vridd hals strikka etter dette Pickles-mønsteret.

Har brukt denne fargen.
Dette er den tredje halsen eg har strikka
etter dette mønsteret i år.
God modell og garnet er fantastisk mjukt og behageleg.

Fargen er litt mørkare enn kva det ser ut som her.

Skjerf til lua

2011-12-29T13:30:00.010+01:00

Vottane frå innlegget under er midlertidig parkert
grunna problemer med mønsteret.
Det stemmer ikkje heilt,
og mønsteret stemmer ikkje heilt overens med votten på bildet,
så eg er ein smule irritert....
Må konferere med nokon som har litt meir
erfaring i å strikke selbuvottar.
***
Men eg har i alle fall fått strikka ferdig eit skjerf i Freestyle frå Dale.
1. juledag måtte eg ty til hodelykt pga. stormen Dagmar,
noko som var ein ny strikkeoppleving!
Lua strikka eg i fjor. Ravelry link.
Modellen er veldig god, og det er også garnet Freestyle.
(Sjølv om det utvidar seg litt i bruk).
Mønsteret på skjerfet er enkelt.
La opp 42 m.
Strikka 3 r, 3 vr i tre omg.
Så forskauv eg ei maske kvar 3. omg.

1. juledag

2011-12-25T15:54:00.009+01:00

I dag er det godt å slappe av etter alle juleførebuingane!
Ikkje det at vi styrer så utruleg her i huset,
men litt blir det no alltids når ein er ein familie på seks.
Vi var heldige som også hadde to besteforeldre
saman med oss på julekvelden.
***

Denne fine pakken med stoff og mønster frå Northern Quilts,
fekk eg i julegåve av Lappetausa.
Gler meg til å begynne på den!
***
Det gav meirsmak å strikke dei 24 små vottane i adventskalendaren,
så no har eg begynt på eit vottepar i damestr.
Selbuvottar i Daletta frå boka Strikkelyst
av Lily Secilie Brandal og Bente Myhrer.
Ei veldig kjekk og nyttig bok å ha i bokhylla :D

2011-12-24T13:45:00.005+01:00

God jul til alle mine bloggvenner!

Fire luer

2011-12-23T17:48:00.005+01:00

Eg har strikka fire luer i herrestr.
Tre av dei er strikka etter mønsteret til Kristin
som har eplabutikken: huvan.epla.no
Mønsteret står i boka Eplas jul.
Den fjerde lua er strikka etter dette mønsteret til Niko.
Eg strikka ei sånn lue for nokre år sidan.
Det er eit veldig kjekt mønster.
Kan vere litt vanskeleg å treffe med størrelsen,
denne blei litt stor.

Desemberstrikk

2011-12-22T20:22:00.004+01:00

Bloggen min har ikkje hatt så høg prioritet i desember,
men strikke gjer eg nesten kvar dag likevel.
Det har blitt mykje vottestrikk, og no har eg tova dei siste fire para.
Desse er strikka i Fritidsgarn etter samme mønster som dei under.
Tre i damestr. og eit i herrestr.
***
Det er alltid tilfredsstillande å få brukt av garnlageret,
og no har eg brukt opp nesten alt Fritidsgarnet........

8. desember

2011-12-08T13:14:00.010+01:00

Når ein først skal tove i vaskemaskina,

er det greit å samle opp litt.

Difor har eg begynt på eit nytt vottepar i Fritidsgarn,
frå garnlageret sjølvsagt :)

Så har eg funne fram denne nissefamilien
som eg har hatt i MANGE år,
men aldri gjort ferdig.
Skal verkeleg prøve å få den ferdig i år.
Så får vi sjå om der kjem ein nissefar inn i bildet eit anna år......

Tova vottar

2011-12-05T17:57:00.003+01:00

Det går fortsatt i vottar.
Har strikka og tova fire par og begynt på det femte.
Damevottane er strikka etter dette mønsteret.
Blånissevottane er strikka etter mønster kjøpt på Nille.

Adventskalender

2011-11-27T21:29:00.009+01:00

Det har vore utruleg kjekt å strikke desse 24 små vottane.

Alle ulike både på framsida og baksida.

Mønster: Dale
Garn: Falk

Har hengt vottane på ei trollhassel-grein i eit av kjøkkenvindauga.
(over lysestaken i raudt og grønt frå rundt 1990 ... :D )

Adventskalender og tova vottar.

2011-11-24T15:02:00.011+01:00

Denne månaden har eg kosa meg med å strikke adventskalender.
24 små vottar i ulike mønster.
Kjem tilbake med fleire bilde når den er ferdig.
Eg har to vottar igjen å strikke,
og synest eg har vore flink som har halde meg til eit prosjekt,
(stort sett i alle fall....).
P.S. Der er mønster på desse vottane i siste Familien.

I går måtte eg ha litt variasjon og begynte å strikke vottar som skal tovast.
Link til mønsteret fann eg på bloggen til Timotei.

"Bestapusen" luktar at vi skal ha fisk til middag i dag :D

Gåver i posten

2011-11-14T19:16:00.014+01:00

For nokre veker sidan var eg så heldig

å bli trekt ut som vinnar og trøstepremievinnar i Give Away
hos Ronille og Drømmequilten.
Her er dei fine premiane eg fekk.
Spanande sokkegarn i flotte fargar, flott julestoff og litt tilbehør.
Takk til både Ellinor og Siv Hege!!

I dag fekk eg ei ny bok av bloggen min, årgang 2007.
Hadde 2008 frå før av.
Har som så mange andre bestilt hos Blog2Print.

Kjekt å ha ei sånn minnebok!

Tåkete november.....

Nytt kamera og oktoberprosjekta mine

2011-11-13T13:50:00.017+01:00

Eg har endeleg fått kjøpt meg nytt kamera!!
Det gamle Canon-apparatet som eg har hatt heilt sidan
eg starta å blogge for snart 5 år sidan, ville ikkje meir :(
Det var veldig trist og vemodig,
sidan eg likte det apparatet veldig godt.
***
Men no når eg har fått meg nytt,
ser eg at mykje har endra seg dei siste åra,
også når det gjeld digitale fotoapparat.
Så no er eg happy for å ha fått eit nytt :)
***
Også denne gongen har eg kjøpt kamera hos
Alf Helgheim & Co AS på Skei i Jølster.
Ein forhandlar eg anbefalar alle som bur i nærleiken å bruke.
Der fekk eg hjelp til å finne eit godt og billig kamera til mitt bruk.
Dette kamerat skal visst ta gode bilde utan blits inne,
noko som er viktig for bloggarar....
(Kun kr 1995,-)

Her er oktoberprosjekta mine.
Var dårleg i eit handlegg og måtte strikke noko enkelt og lett.
Det blei to til sjal av denne typen.
Det rosa/grå er strikka i Fabel og det gråbrune i Fin.

Og så ein enkel hals i Mitu.
Her la eg opp 156 m.
100 gram, pinne nr. 4.

Grønn november, søndag 13. nov. klokka 13.
Til samanlikning: sjå grå november 2010.

Pulsvarmarar

2011-11-05T19:17:00.008+01:00

Sidan eg fortsatt er utan fotoapparat,

får eg vise fram "gamle" bilde som eg har liggjande på PC'en.
Desse pulsvantane strikka eg i vår/sommar.
Det verka som ein god ide då, no veit eg ikkje heilt...
La opp 25 masker med dobbelt garn
(ein tråd Kitten Mohair og ein tråd sølvgarn m/knottar).
Pinne nr. 4,5.
Strikka riller til dei gjekk rundt handleddet og sydde i hop.

Siste innlegg i oktober.....

2011-10-31T17:35:00.008+01:00

Eg er utan fotoapparat for tida, og det er uvant - og trist :(
Blei litt lei av isoporhodebildet på sida mi,
så no har eg leita fram bilde av prosjekt
som ikkje har vore publisert før.
Desse to sokkepara strikka eg i sommar.
Dei blei overlevert til to søte tvillinggutar i Trondheim,
då vi var på veg nordover til Mosjøen.
Sokkane er strikka i restegarn (mest Opal).

Tubeskjerf i silkeull

2011-10-20T10:41:00.014+02:00

Kathrine Gregersen frå Nøstebarn presentrerte

gratismønster på to tubeskjerf på bloggen sin
for nokre veker sidan.
***
Då sonen min på 16 år var baby,
strikka eg ein del undertøy av garn frå Nøstebarn.
Eg strikka til og med bleiebukser og brukte tøybleier ein periode!!
Vel, har hatt liggande ein bunt med ubleika silkeull,
som no er blitt til eit herleg tubeskjerf.
***
Det som ikkje er så kjekt,
er at kameraet mitt oppfører seg litt merkeleg i dag.
Luka framfor linsa vil ikkje opne seg skikkeleg :(
Difor dette "kunstneriske" bildet med mørke parti........

Sjal/skjerf

2011-10-14T11:54:00.011+02:00

Drops har mange fine gratismønster på sida si,
og her er eit av dei.
Eg har sett på dette mønsteret ei stund,
men kom ikkje i gang med sjal/skjerfet
før eg såg det fine som Timotei har strikka.

Eg hadde to nøster med Drops Delight liggande,
så då valde også eg det garnet i staden for Fabel.
Strikka det litt større enn mønsteret sa, og fekk akkurat nok garn.
Det gjekk nemleg meir garn enn eg hadde trudd
til heklakanten rundt.

To enkle luer

2011-10-13T11:05:00.010+02:00

Eg har strikka to superenkle luer.
Den rosa/lilla er strikka i Odin frå Viking.
Den er til tantebarnet mitt på 11 år.
Mønster:
La opp 88 masker på pinne nr. 4,5.
Strikka ca. 7 cm. Gjekk over til pinne nr. 5 og la opp 4 ekstra masker.
Strikka i ca. 22 cm før eg begynte på fellinga.
Strikk 2 m, strikk to masker saman osv.
strikk 2 omg. utan felling.
Strikk 1 m, strikk 2 saman osv.
Strikk 1 omg. utan felling.
Fortsatte slik til det var passeleg med masker til å snurpe saman.
***
(Eg kunne ha strikka meir enn 22 cm før fellinga,
for der var garn til overs.)

Denne lua er strikka i Alfa frå Sandnes.
Her la eg opp 68 m på pinne nr. 7.
Fann eit mønster i eit Sandneshefte (tilbehør- tema 12)
Den har ein hekla kant nede, men blomen hoppa eg over.

Fleire sokkar

2011-10-05T19:20:00.005+02:00

Har stupt lenger ned i kassa med sokke/strømpegarn.
Desse sokkane har eg strikka i dobbel Opal.
Brukte pinne nr. 3 for at dei skulle bli litt faste.
Eg blei inspirert av det melerte sokkeparet i boka
Strikk luer, votter, sokker av Ann-Mari Nilsson.

Så måtte det bli eit strømpepar til Minstemann i Fabel.

Onsdagsoppdatering

2011-09-28T16:51:00.010+02:00

Eg ser rundt om på bloggane at det er mange som strikkar sokkar for tida.
Eg held meg til enkle variantar slik at det skal gå fort,
og eg får slanka mitt rikhaldige garnlager :D
Desse sokkane er strikka i Regia på pinne nr. 2,5.
Mønster: Har til ein forandring strikka 3 rette, 1 vrang.

Var innom ein garnbutikk i dag
og fekk med meg dei siste katalogane til Pt design.
Ser at dei har hatt ein liten ansiktsløfting på katalogane sine.
Det gjorde seg!

Bok nr. 18

Det har blitt lite lesing på meg dei siste månedane,

i alle fall når det gjeld skjønnlitteratur.
Denne boka begynte eg på i sommar og har hatt den med både hit og dit.
No er eg endeleg ferdig med den (jippi!!).
Dette er den tredje boka eg har lese av Kate Morton.
Er litt usikker på kva eg meiner om den, ingen pageturner i alle fall.
Men godt skriven og kjekk å lese for dei som likar gamle slott,
og koselege engelske mysterium frå gamle dagar.
Har lånt vekk boka allereie, men trur den er på ca. 650 sider.

Tjukke sokkar

2011-09-23T17:56:00.013+02:00

Denne veka har eg strikka desse sokkane i eit tjukt garn
(150 grams nøste) frå Järbo Garn.
La opp 44 masker på pinne 3,5.
Passar str. 37-38.
Fargen på bildet her er ikkje heilt rett.
Lillafargen er altfor blå.

I går kom endeleg den siste boka
til Arne & Carlos frå Hobbyklubben.
Om og når eg kjem til å lage noko frå denne boka, veit eg ikkje.
Men den er absolutt eit must for oss som samlar på hobbybøker!
Veldig proff og mykje fin design!!!
Det skal bli spanande å sjå om desse dukkene
blir like populære som fjorårets julekuler.

Raglangenser i Smart

2011-09-16T19:20:00.010+02:00

Denne genseren til Minstemann begynte eg på i fjor haust.
Det blei full strikkestopp pga. senebetennelse rundt juletider,
men no er genseren endeleg ferdig.
Måtte vaske og strekke den litt for at den skulle vere stor nok.
Garn: Smart frå Sandnes
Mønster fann eg i dette Sandnesheftet.
Design: Lene Holme Samsøe.
Ikkje lett å få tatt bilde av denne tullebukken :D

Tubehals

2011-09-15T18:15:00.014+02:00

Noko som eg likar med hausten,
er alle dei nye bøkene som kjem ut!
Ikkje minst likar eg hobbybøker,
og eg må innrømme at eg allereie har kjøpt opptil fleire nye.....
Men er ein samlar, så er ein samlar,
berre sjå på hobbybokhylla mi :D
Der er ikkje plass til så mange fleire,
(sjølv om eg har "fjernlagra" dei som eg kan klare med utan),
..... så eg skal prøve å bli kvitt nokre på eplabutikken min, trur eg .....

LUNE MASKER er ei nydeleg bok
med mange fine og stemningsfulle bilder frå Kjerringøy.
Eg kjøpte denne boka mest for bildene si skyld,
og fordi eg er svak for strikka tilbehør.
Småplagga i denne boka er veldig enkle.
Det første eg har strikka frå boka er ein tubehals i falsk patent.

Den blei ganske vid,
men det er greit for eg har ingen sånne frå før av.
Så eg trur eg er fornøgd :-)
Fargen er i alle fall nydeleg!
Litt vanskeleg å sjå ut frå bildet i boka korleis halsen blir,
sidan den ikkje blir vist på modell (ingen av plagga er det).

Garnet eg har brukt. 100 gram av kvar.

Låvemesse

2011-09-05T23:04:00.009+02:00

I helga gjennomførte Nordfjord Lappe & Quilteklubb
ei vellukka låvemesse!

Ingun (Primula Design) stilte med butikk,
og ho hadde som alltid mange fine stoff
og nye spanande mønster å by på!

Vinkyrne til Haldis passa godt inn i dette miljøet!

September

2011-09-01T22:48:00.006+02:00

Den første haustmånaden er her allereie, hm....
Nydeleg dag på Vestlandet i dag (og i går).
Kunne ha sagt mykje om veret denne sommaren,
men det hjelper ikkje å klage...
Får heller nyte den fine utsikta frå hagen min i dag :-)

To halsar

2011-08-28T10:55:00.013+02:00

Denne halsen er strikka i Abuelita Merino Worsted frå Pickles.
Gratismønster her.
Såg halsen først på bloggen til Strikk og Tøys,
som har strikka mange sånne i sommar.
Den var rask å strikke på pinne nr. 10,
og så er den kjempegod på!!

Garn til denne halsen kjøpte eg då eg var i Ulsteinvik i sommar.
Synest halsen ser så fin ut på nettet,
men eg var litt skuffa då den var ferdig.
Etter vask og blokking, blei den ikkje så verst likevel.
Begynte på den største str. ,
men rekte opp og hekla den minste,
som blei meir enn vid nok.

Superenkel lue

2011-08-26T19:09:00.007+02:00

Har strikka ei superenkel lue i
Kitten Mohair frå Sandnes og tynn Alpakka frå DSA.
La opp 80 m med dobbel tråd og strikka 22 cm ca.
Strikka to og to m saman
med ein vanleg omgang mellom (tre gongar) og felte av.
Vrengde lua, vaska og strekte den litt.

Pinne nr. 5.

Ny strikkebok

2011-08-21T20:58:00.008+02:00

Eg har kjøpt meg ei ny strikkebok.
Dette er ei grei basic- strikkebok med tidlause modellar og mønster.
Alle modellane er strikka av det samme garnet
med enkel eller dobbel tråd.
Her er nokre døme på mønstrene i boka:

Meir info om boka får du ved å trykke på overskrifta til dette innlegget.

Hekla hals

2011-08-14T21:06:00.004+02:00

Denne halsen er hekla av eit nøste mini palett frå Sandnes.
Skulle prøve å ta sjølvportrett for å vise fram halsen,
men det var ikkje så lett :D
Eg blir alltid sjåande så streng ut :(
(ikkje så lett å smile til seg sjølv)
***
Halsen er i alle fall veldig god!!
Den er surra to gongar rundt halsen.
Kjekk og relativ rask å hekle var den også.

Meir sikk-sakk

2011-08-09T19:52:00.004+02:00

Det var så kjekt å hekle desse gryteklutane,
at eg måtte hekle eit par til.
Denne gangen i Mandarin Naturell frå Sandnes.

Gryteklutar med sikksakkstriper

2011-08-04T17:22:00.005+02:00

Eg har hekla eit par gryteklutar med sikksakkstriper.
Mønsteret har eg kjøpt av Ellen Thunestvedt - her.
Garnet eg har brukt er Milk & Honey frå Viking.
Likar veldig godt dette mønsteret!!

Gryteklutane er doble, like på begge sidene.

moods of shawls

2011-08-02T20:03:00.011+02:00

I går var eldste sonen min og eg ein rask handletur
til nabokommuna Stryn.
Stryn er også heimkommuna til moods of norway,
så vi var sjølvsagt ein tur innom moodsbutikkane der.

Eg fall for ein bag der, men syntest den var litt dyr.
Då eg var i kassa og skulle betale noko anna,
kom dei og hengde opp - 50 % skilt over alle veskene og bagane,
så då måtte eg jo berre slå til, eller????

Litt brainless hekling i "sommarvarmen".
Meir informasjon om sjala på eplabutikken min.

Nord-Norge

2011-08-01T22:17:00.011+02:00

I går kom vi heim frå ein liten Nord-Norge tur.
Vi besøkte familie i Mosjøen.

Vi hadde ein nydeleg båttur frå Mosjøen til Herøyholmen.
Her passerer vi Røøyen og baksida av "De syv søstre".

"Dønnamannen"

Framme på Herøyholmen.
"De syv søstre" i bakgrunnen.

Ein dokkekropp

2011-07-21T20:49:00.007+02:00

Eg har strikka ein dokkekropp.
Dokka heiter Alva, og mønster på henne fann eg i boka
Brukt på nytt av Kathrine Gregersen.

Mi Alva er middels stor, dvs. ca. 35 cm høg.
Det gjekk med akkurat 50 gram Sisu, farge 3021.
Alva skal sjølvsagt få hår, nase og auge,
ein dag eg er opplagt til det.....
Har begynt på ein kjole i Finull :D

Dette er ei kjekk bok!!

Ulsteinvik/Hareid

2011-07-19T21:51:00.011+02:00

I dag var Minstemann og eg på ein kjekk og impulsiv tur til nabofylket,

Møre og Romsdal, saman med foreldra mine og Lappetausa.
Litt shopping i Ulsteinvik,
og besøk hos kusina mi og familien på Hareid.

Litt garnhandel blei det og.
Fem nøster med Lima som skal brukast til denne halsen.

Dette garnet er nytt for meg. Finst i nydelege naturfargar blant anna.
Berre sjekk ut dette heklateppet!!

Ulvesund fyr

2011-07-18T21:05:00.005+02:00

I går var vi turistar i eige fylke.
Vi besøkte Ulvesund fyr i Deknepollen, Vågsøy kommune.

"Fyrvokteren"

Fyret sin butikk/kafe.

Sol og varme

2011-07-18T11:34:00.004+02:00

I morgon kveld er det allereie ei veke sidan vi kom heim frå Tyrkia.

Det var herleg med ei veke med sol og varme.
Vi har hatt fint ver etter at vi kom heim også,
men den store sommarvarmen lar vente på seg.
Tyrkia var i alle fall veldig bra
både når det gjalt strand, hotell, mat, pris og sørvis.
Dei fleste av bildene på kollasjen er tatt om kvelden.
Det blei gjort lite handarbeid,
sjølv om eg hadde med meg både det eine og det andre.
Strikka ein halv sokk på ei veke,
og då mest på flyplassen og flyet :D
Prime Family Club, Side.

Stor & liten

2011-07-04T21:34:00.009+02:00

Det er snart tid for ferietur,
Tyrkia i første omgang.
I fjor før Kretaturen sydde eg nesten ferdig
desse to toalettveskene
som AnnAKa har kalla "stor & liten".
Det einaste som mangla var glidelås og for i den miste veska.
Litt tungt å ta igjen slikt,
men no er eg ferdig.
Babyteppet i Pickles bomullsgarnet er også ferdig.
Det blei passeleg stort, mjukt og godt.
Synest fargane er nydelege,
og garnet var berre kjempegodt å jobbe med!

Fekk lyst til å hekle fleire sånne tepper
av diverse garn som eg har liggande.

Sommardag

2011-07-02T20:35:00.006+02:00

I dag har vi hatt ein fin sommardag på Vestlandet,
den første etter at skulane tok ferie.
Ikkje kjempevarmt akkurat,
men fint nok.
Eg er i gang med babyteppet.
Fann ut at det var best å hekle,
sidan eg er litt usikker på kor mykje eg klarar å strikke enno.
Eg heklar sikksakk med krok nr. 5, og det går fort.
Teppet blir lett og luftig.
På grunn av at det er laust hekla,
vil eg ikkje ha så mange trådar å feste,
så eg heklar eit nøste til det ikkje er meir garn igjen.
Er halvvegs no.

Mønster på dette teppet fann eg i boka:
Hekling - Gammel teknikk i ny design
av Bente Myhrer og Lilly Secilie Brandal.
(Ei veldig kjekk heklebok!)

Postkassegleder....

2011-07-01T17:31:00.014+02:00

Kjekke ting i postkassa denne veka:
* Ysolda Teague si siste bok, Little red in the city.
Berre mønster på jakker, vestar og genserar i denne boka.
Fine foto, teikningar og skisser.
Artig stil på boka, litt 50-talls.
Pdf-filer på alle mønstrene føl med.

* Økologisk babybomull frå Pickles.
Dette garnet er berre utruleg lekkert!!
Skal kanskje strikke dette teppet av garnet.

Alle som handlar hos Pickles i sommar,
får dessutan to rundpinnar på kjøpet.
Eg fekk to som eg ikkje har frå før.
nr. 8 100 cm og nr. 3,5 50 cm.
Har ikkje prøvd akkurat desse pinnane før,
men har høyrt at dei er gode...

Dei som kjøper dette garnet støttar familiar i fattige delar av Peru.
........ Så ingen grunn til å ha dårleg samvit for denne handelen....

Fleire epleposar/etui

2011-06-29T13:51:00.005+02:00

Har hekla to etui/posar til.
Ein fin måte å få brukt opp restegarn på.
Muskat og Svale igjen.

Epleposar

2011-06-27T14:36:00.010+02:00

I dag har Minstemann og eg berre sløva og kosa oss inne
etter utedagen på fjellet i går.
Den Gode Feen linkar til diverse bloggar i dag,
blant anna Pepperkakehuset.
Der fekk eg sjå desse søte hekla epleposane,
eller epluier som ho kallar dei.
Ho har funne ideen på bloggen Mollie makes.
Før frukost hadde eg hekla ein
+ vore på matbutikken og handla modellar
( dvs. epler i ulike størrelsar).

Ein treng ikkje mønster til desse eigentleg. Det er berre å hekle ein sirkel, fortsetje oppetter utan å auke og til slutt hekle fram og tilbake eit stykke. Hekle ei hempe og sy i ein knapp.
Mine er i to ulike størrelsar. Den lilla er litt større. Der hekla eg ein tungekant oppe og rundt opninga i ein annan lillafarge. Har brukt Svale og Muskat til desse to og krok nr. 3,5.

Seterliv og hekling

2011-06-26T23:17:00.011+02:00

I dag hadde vi ein fin dag på setra.

Veret var ikkje så verst,
sjølv om sommarvarmen lar vente på seg.

Litt hekling blei det også tid til.
Det går i glassbrikker for tida.

Søte lam som gjerne ville bli klappa.

Nye varer i epla-butikken min:

6 like brikker i Mandarin Petit.

4 like i samme garnet.
Synest denne fargen er så fin.
Den er litt grønngul.

4 like brikker hekla i Fiol.

Kjøkkenklutar

2011-06-22T17:13:00.009+02:00

Eg prøver å bruke opp litt av bomullsgarnet mitt.

I vår/sommar har eg difor strikka/hekla ein del klutar.
Har brukt dobbel tråd av Mandarin Petit til dei strikka ,
og enkel til den hekla.
No har eg endeleg fått festa trådar
og fotografert dei.

Eg hekla nokre slike klutar i fjor sommar.
Har blant anna skrive om dei her.

Hekla klutar

2011-06-21T11:01:00.003+02:00

Kluten frå innlegge under er ferdig.
Har hekla ein i omvendte fargar også.
Oppvaskbørste frå Rice.

Hekla klut

2011-06-19T20:21:00.010+02:00

I dag har eg begynt å hekle på denne kluten i
Safran frå Garnstudio.
Ide og mønster på bloggen til Wenche.
Synest dette mønsteret blir fint,
og det er veldig enkelt og kjekt å hekle.

Skiftande ver i dag. Sol og varme innimellom regnbyene.
Her har det nettopp begynt å regne igjen.

Sommarferie

2011-06-18T14:09:00.010+02:00

Det har vore to hektiske veker på slutten av skuleåret.
Mange avslutningsfestar på kveldstid
og ein del ekstra jobbing for å bli ferdig til ferien.
Eg er nesten ferdig....

Hekling er ein fin måte å stresse ned på.
Eg har hekla nokre glassbrikker,
som eg skal selje på Eplabutikken min.

Mønster på brikkene fann eg i boka:
"Beyond the square, Crochet motifs".
Men brikkene på det nederste bildet har eg hekla utan mønster,
etter å ha sett nokre kjempefine brikker på denne bloggen.

Junitåke

2011-06-06T22:50:00.002+02:00

Bilder tatt i hagen i kveld.

Vi har hatt stort sett dårleg ver i vekesvis, mykje regn.
Men grønt og fint er det i alle fall blitt......

Bomullspads

2011-06-05T18:11:00.008+02:00

Eg måtte prøve ut dette med heimestrikka bomullspads.
Gratismønster hos Drops her.
Dei fungerer faktisk veldig bra!
Så spørst det om ein orkar arbeidet med vaskinga.
Klutane må i alle fall samlast opp og vaskast i vaskepose.

Søt lita ugle

2011-05-30T19:16:00.011+02:00

Då eg såg dei to uglene til Olavas verden,

måtte eg berre finne fram garn og begynne på ei eg og.
Synest dei er så søte!
Har som Olava brukt Bomull sport frå Gjestal og krok nr. 3

Ugla er ca. 14 cm utan snor/blome.
Mønster hos Fru Madsens.
P.S. No er øyrene også komne på plass.....

Mønster på hekla trekantsjal

2011-05-29T17:59:00.012+02:00

Eg har fått spørsmål om mønster på sjal av halv bestemorsrute.
Det finst mange ulike måtar å hekle desse halve rutene/sjala på,
men eg skal prøve å lage ei forklaring
på korleis eg har gjer det.

Hekle 4 stavar (st), 2 luftmasker (lm) og 4 stavar i ringen.
(Første stav er tre luftmasker).

Snu arbeidet.
Hekle 3 lm, 3 st. i holrommet mellom 1. og 2. stav på forrige omgang,
1 lm, 3 st, 2 lm, 3 st, 1 lm, 3 st
( i holrommet mellom 3. og 4. stav frå forrige omg.),
1 dobbelstav (ds).
(For at kanten oppe ikkje skal bli stram, heklar eg ein dobbelstav til slutt,
i staden for den 4. staven).
Snu arbeidet.

Hekle 3 lm, 3 st ( i holrommet mellom 3 lm og 3 st frå forrige omgang),
1 lm, 3 st, 1 lm, 3 st, 2 lm, 3 st, 1 lm, 3 st, 1 lm, 3 st
( i holrommet mellom 3 st og 1 ds frå forrige omg.), 1 ds.

Hald fram på denne måten til sjalet er så stort som du vil ha det.

NB! Viss kanten oppe blir for stram, gå over til å hekle 4 lm i staden for 3 i begynnelsen av kvar omg. i tillegg til den dobbelstaven.

Hilde - Strikkemor(o)

(Viss du oppdagar feil i dette mønsteret, er eg glad for å få beskjed om det).Dette sjalet er hekla i Austermann Royal, 150 gram. Krok nr. 4,5.

Here we go again.....

2011-05-24T19:42:00.005+02:00

Eg er nesten bra i arma mi no, men ikkje heilt.
Det går betre å hekle enn å strikke,
difor blir det mange sjal.
Det er greit med noko som går av seg sjølv,
når ein skal slappe av......

Muffins halstørkle i Milk & Honey frå Viking.

og Halv oldemorsrute i Kitten Mohair frå Sandnes.
Begge sjala er hekla av garn frå lageret mitt,
det har gått med ca 100 gram pr. sjal.

Sommarleg trekantveske

2011-05-18T21:52:00.012+02:00

Denne trekantveska har visst ikkje blitt blogga.
Fekk knipsa nokre bilder i full fart før den blei gitt vekk til mora mi.
Trur eg må skaffe meg ein sånn "fotovegg" som Timotei har.
Les om hennar fototips her.

No merkar eg at eg vil ha tilbake det flotte veret,
som vi hadde før 17. mai langhelga.
Er sultefora på sol og varme!!

Rema-roser innkjøpt til 17. mai
(... i litt for god tid, for dei var ganske visna då dagen kom...).

17. mai

2011-05-17T19:29:00.018+02:00

Gratulerer med dagen!

***
Vi har hatt ein fin 17. mai,
sjølv om veret ikkje har vore det beste her på Vestlandet.

Vi blei inviteret både på middag og i kaffiselskap i dag.
***
I kaffiselskapet fekk eg hekla ferdig, festa trådar
og fotografert dette vesle sjalet.
Måtte nytte høvet når eg hadde modell tilgjengeleg.
***
Eg veit dette begynner å bli keisamt.
Har mista oversikta over kor mange sånne sjal eg har hekla no,
og dette blir nok ikkje det siste.....
Men å hekle desse sjala er berre så enkelt (brainless)
og avslappande!!

Garn: Dale Royal Alpakka, 2 nøster a 50 gram.
grårosa farge.
Heklekrok: nr. 5.
Mønster: Halv oldemorstute,
med ein taggekant rundt to sider av trekanten.
Dette garnet fekk eg lyst til å lage fleire ting av.
Herleg å jobbe med, og resultatet blei veldig mjukt og fyldig.

Lappestua i Ålesund

2011-05-15T15:05:00.005+02:00

I går var eg ein tur til Ålesund
saman med systra mi og Minstemann.
Det var ein stor handledag på Moa, masse folk!!
På Lappestua der tok eg desse bildene
av AnnaKa-modellar som dei har sydd.
Synest sommarfugl-løparen deira er veldig sommarleg og fin!

Sjal i alpakka

2011-05-13T19:25:00.008+02:00

Eg har visst gløymt å blogge dette sjalet som var ferdig sist helg.

Det er hekla i eit herleg alpakkagarn,
La Cancha Alpakka frå Karlsen Import.

Sjalet er hekla som ei halv oldemorsrute.

Krok nr. 4,5.

Lita veske

2011-05-13T19:11:00.011+02:00

Denne veka har eg sydd noko morosamt,
nemleg veske til digibokspelaren min.
Eg kjøpte eit mønster med tre stryke-på-mønster av Siv på Lappestua.
Veldig enkelt og raskt!
Berre å stryke mønsteret til baksida av eit stoff,
brette og sy etter oppstreka linjer.
Eg sydde på trykknapp etterpå.

Veska har to bur

Veska kan også brukast til mobil og liknande.

Pose til Beyblade

2011-05-09T12:03:00.002+02:00

Her får vi orden på guteleikane.....

Har sydd ein pose som er litt mindre enn dei to andre.
Stoffet har eg hatt i mange år,
så det var kjekt endeleg å få bruke det til noko.

Trekantveske til Pokemon

2011-05-06T20:24:00.007+02:00

Minstemann trengde ein pose til å ha
pokemonfigurane sine i.
Han valde dette fotballstoffet.

Denne posen gjekk det utruleg mykje fortare å sy enn den første.
Mønster: Vanella
Fotballstoff: Lappestua Eid

Ha ei god helg!

Trekantveske

2011-05-06T17:26:00.012+02:00

Denne veka har eg sydd ein trekantpose.
Kjøpte mønster av Vanella på Epla for nokre veker sidan.Posen er sydd slik at at der ikkje er sårkantar i foret,
anna enn saumen i vrengeopninga, som ein må sy til for hand.
Posen er rask å sy når ein først har forstått framgansmåten.
Den er fora med bordvatt,
sjølv om det ikkje ser slik ut når vårsola skin rett igjennom.
"Happyknitting"-merket måtte eg sy på over ei rift i stoffet,
som eg fekk etter litt uvøren bruk av oppsprettaren :-D

Give-Away hos Tone

2011-05-02T12:09:00.007+02:00

Eg var innom bloggen til Tone's hekle & strikkerier i dag.
Ho har Give-Away og gir vekk ei fin hekla brikke med skrifta Kake på.
Eg hekla også denne brikka
(og ei med skrifta Brød på) for fleire år sidan.
Likar dei kjempegodt,
men mine har fått nokre stygge flekkar som eg har problem med å få vekk.
Trur det er egg eller feitt.
Nokon som har eit godt tips?

Hekla sjal

2011-05-01T23:41:00.007+02:00

Denne veka har eg hekla to nye sjal.
Dei er hekla i Faerytale (100% alpakka) frå DSA.
Det øvste er hekla av 50 gram handfarga Faerytale,
og det det blå av to nøster vanleg.
Eg synest dette garnet passar utruleg godt til skjerf og sjal.
Det er veldig mjukt og godt å ha rundt hals og nakke!
Begge sjala er hekla som ei halv bestemorsrute.
Heklekrok nr. 5,5.

Bok nr. 16 og 17

2011-05-01T22:52:00.012+02:00

Bok nr. 16 og 17 har eg "lese" som lydbøker.
Det er ein annan leseoppleving enn å lese boka sjølv.
Eg har ikkje vore så flink med lydbøker før.
Eg har hatt litt problem med å konsentrere meg om dei,
tankane begynner lett å fly i andre retningar.
Men no har eg prøvd å øve opp dette.
Jeg forbanner tidens elv av Per Petterson
har eg høyrt på vanleg CD-spelar,
og difor har det tatt utruleg lang tid (heile vinteren faktisk),
sjølv om boka berre er på 5 timar ca.
Boka er heller ikkje så utruleg spanande at det gjer noko,

men godt skriven og godt lese av forfattaren sjølv.
***
Før påske kjøpte eg meg Kibano digibok-spelar hos Libris.
Det er ein lydbokavlesar for digibøker.
Bøkene er små kort som ein festar på baksida med magnet.
Ein snedig liten sak, som eg likar veldig godt.
Systra mi og fleire av kollegaene mine har også kjøpt seg,
så no skal vi bytelåne bøker med kvarandre.

Den første boka eg har høyrt på spelaren min er Tyskerungen .
Det er ei tjukk bok, som det tok over 18 timar å høyre.
Så påskeferien gjekk med til den boka.

For nokre månader sidan meldte eg meg inn i Bokklubben Nye Bøker. Det var litt for å følgje med på nye bøker som kjem ut. Tanken var vel å avbestille dei fleste bøkene, men det har vist seg ikkje å vere så lett. De udødelige av Ketil Bjørnstad tenkte eg ville vere ei fin bursdagsgåve til mora mi. Hundreåringen som klatret ut gjennom vinduet og forsvant av Jonas Jonasson, fekk mannen min veldig lyst på ,og no kjem altså ei ny bok av Kate Morton .............

Hekla sjal

2011-04-25T20:21:00.005+02:00

Har vore litt forkjøla og slapp dei siste dagane av påskeferien,
så då har det blitt mykje "lesing" av lydbok og hekling.
Dette sjalet i Sandnes silk mohair,
var raskt å hekle med krok nr. 5,5.
Brukte akkurat 50 gram av den nydlege gråfargen 1076.
Sjalet er hekla som ei halv bestemorsrute.
Det blei veldig mjukt og godt!!

Hekla skjerf

2011-04-24T14:14:00.006+02:00

Mora mi hadde lyst på eit skjerf
og handla garn til det rett før påske.
Ingen av oss var så motivert til å strikke,
så det blei til at eg hekla eit i "full fart".

skjerfet er hekla av tre nøster Lerke frå Dalegarn.
Eit herleg garn, synest eg :D

Lerke farge 5063

Heklekrok: 4

Silkesjal

2011-04-22T15:55:00.010+02:00

Då er sjalet frå innlegget under ferdig.
Det går veldig fort å hekle eit slikt sjal eller tørkle.
Mitt veg 90 gram,
så eg brukte nesten heile hespet med silkegarn.
Dette er det første prosjektet som er hekla/strikka i 2011.
Kjekt at armen er betre.......

Nydeleg påskever i dag!

God Påske!

2011-04-20T18:31:00.013+02:00

Hanefar passar på kyllingflokken og påskegodteriet.
Vi har ei fin samling av påskekyllingar og egg
som gutane har laga.
Kjekt å ta den fram og pynte med til påske.

Eg har mange hekleprosjekt på gang for tida.
Det nyaste er dette sjalet som eg begynte på i dag.
Måtte berre prøve dette herlege silkegarnet :D
Heklar etter dette mønsteret.

Bok nr. 15
Skråninga
er ei spesiell, men utruleg sterk og god bok.

Garnhandel

2011-04-11T14:34:00.010+02:00

Det blei litt garnhandel i dag.
***
Tenkte eg skulle prøve meg på
det fine skjerfet til Olavas verde n.
Eg er litt "jordfargeaktig" av meg,
i alle fall når det gjeld kle til meg sjølv,
så her er det eg kjøpte.
Får prøve meg litt fram og sjå korleis det blir.
Kanskje eg angrar meg og vil ha litt fleire fargar...
Begge dei to nøstene lengst framme er lilla,
dei blei berre litt blå på bildet.
Mønster på skjerfet her.

P.S. "Japanske blomster"
Trur eg skal kjøpe litt rosa garn i morgon......

Meir sying

2011-04-10T21:22:00.009+02:00

Har sydd litt i helga og.
Små raske prosjekt, som vanleg!
Ei ny snor til jobbnøklane mine,
og
ein pose til å ha serviettar i.

Bok nr. 14:
"En annerledes barndom" av Iris Johansson I denne boka fortel svenske Iris Johansson om barndommen og oppveksten sin som autist.
Ei veldig lærerik og interessant bok,
som eg har hatt stort utbytte av å lese.

Posar

2011-04-08T19:24:00.007+02:00

Denne veka har eg fått brukt litt av stoffa mine.

Har sydd tre posar
til oppbevaring av diverse.
Først sydde eg ein til badet.
Den er fora med litt mjuk vatt.
Eg brukte mønsteret på "Bretteposer"
i boka Julegleder av
Tone Merete Stenkløv og Miriam Nilsen Morken.

Så måtte eg sy to til,
der eg fekk bruke litt av eit hanestoff
har hatt liggande lenge.
På desse har eg brukt strykevliselin i staden for vatt.
Enklare enn dette kan det nesten ikkje bli.

Timotei har også ein fin beskrivelse på bloggen sin

Fløy en liten blåfugl.....

2011-04-02T15:38:00.007+02:00

Har sydd to blå fuglar.

Dei er veldig enkle å sy, så det som tar tid er monteringa.
Har lagt dei ut for sal i eplabutikken min.

Tildas Atelier

2011-03-29T22:07:00.006+02:00

I går kom den nye Tildaboka i posten.
Impulskjøp på nettet. ..... igjen :-)

Det er verkeleg ei vakker bok
med mange fine bilder og idear,
men om eg kjem til å lage noko frå den vil vise seg.
Men eg blar ofte i hobbybøkene mine
og kosar meg med dei,
så det er vel eigentleg ikkje så viktig
om det blir laga så mykje.....

Roman nr. 13 tok si tid å lese ferdig.
563 sider til med Knausgård sitt liv.
Han skriv veldig godt,
så eg kjem nok til å lese nr. 3 snart også.

Påskestrikk

2011-03-27T12:06:00.007+02:00

Måtte prøve å strikke litt
for å sjå korleis armen fungerer.
Det gjekk greit å strikke dette påske-egget,
men det blir nok med dette eine førebels,
kjenner eg......

Det kvite garnet er Lerke.
Elles har eg brukt
litt Svale og litt Gjestal bomull sport.

Mønster i dette fine heftet frå Dale.
Arne & Carlos har designa både påskekuler og egg.

Chicken Stitchery

2011-03-25T17:52:00.011+01:00

Dette bildet begynte eg på for mange år sidan.
Det har vore halvferdig like lenge,
men no tok eg meg saman og gjorde det ferdig!!!
Det er ikkje så stort, men det tar litt tid likevel.
Mange små detaljar.....
Synest motivet er veldig koseleg
og jordfargane fine.
Mønsteret er frå Bareroots.
Sidan eg ikkje har funne beslag som passar,
har eg sett det inn i ei A4-ramme
i staden for.

Svanebileta blei tatt tidlegare i veka,
før det siste snøfallet....

Bakstekledet ferdig!

2011-03-21T10:54:00.004+01:00

I går fekk eg endeleg sydd ferdig dette bakstekledet,

som eg fekk stoff og mønster til i julegåve frå Lappetausa.
Kjekt å brodere, og kjekt å sy saman!
(Mønster og stoff er kjøpt hos Northern Quilts).

I Påskemodus

2011-03-17T19:32:00.005+01:00

Lysta til å lage påskepynt kom tidleg i år.

Det er lenge sidan eg begynte å studere blad og bøker
for å finne insirasjon.
Dette hjartet med påskehare på,
sydde eg i full fart i går kveld.
Eg brukte det som modell i tekstiltimane i 6. klasse i dag.
Mønster frå denne Tilda-boka.

Husmannskatt

2011-03-13T15:55:00.003+01:00

Dei to nye mønstrene til AnnAKa er veldig fine, synest eg.
Eg har begynt å brodere stitcheryet
som føl med "Husmannsplass".
Kjempefint og koseleg motiv i fine brun-og grønfargar!

Og så har eg baka "Stor bedehuskake" frå boka Ta kaka.
Ikkje akkurat lavkarbo.........

Bok nr. 12

2011-03-12T20:33:00.008+01:00

Dette er ei god historie som minner meg om "Røtter".
Handlinga går føre seg både i Afrika, Amerika og England.
Les meir om boka her og her.

Ut på ettermiddagen i dag såg vi sola i hagen for første gong i år.
Herleg, sjølv om det ikkje var lenge det varte!
Berre eg latar opp verandadøra,
kjem svanene symjande i håp om å få litt mat.
Det er ikkje så mange vekene før dei flyr til Sibir, visst nok.
Dette er første året dei har gitt seg til så lenge her i elva,
og det har vore koseleg!!

Riksteateret

2011-03-10T22:09:00.004+01:00

I kveld var eg og såg "Evig Ung" .
Gå inn på linken og sjå videoklipp!
Synest stykket var utruleg bra!!

Feit kvinne-dag....

2011-03-08T20:09:00.011+01:00

Sidan eg er den einaste i huset som likar rømmegraut,
blei dette løysinga i dag.
Enkelt og godt!
Rosa fekk eg på Rema 1000!!

Fekk kokebok i posten i dag!
Den ser veldig kjekk og fin ut,
og inneheld
oppskrifter på alt frå frukost til kvelds.
Feitt er bra! Sukker fy!
Steinalderkost er tingen!
Har litt tru på dette opplegget.....
Dette er ikkje pasta men Coleslaw.

Middelhavssalat

Blanda salat med kylling.
Fint å ha med i matboksen....

.....apropos matbok.....
Eg fekk desse fire matboksane også i posten i dag.
Såg dei på denne bloggen for nokre dagar sidan.

Kokebøker og baking

2011-02-28T19:59:00.010+01:00

På Mammutsalet i år,
kjøpte eg blant anna desse to kokebøkene.
Kjekt å ha!

Det blei litt baking i vinterferien,
både knekkebrød, bollar og bursdagskake.
Sidan eg ikkje har noko handarbeid å vise fram enno,
har eg fotografert dagens bakst.
Det er Grove sesamrundstykker frå dagens Hjemmet.
Brukte blant anna eit stort beger med yoghurt naturell i desse,
og dei blei veldig gode!

Bok nr. 11.
Fekk lyst til å lese fleire bøker av Jussi Adler-Olsen.
Denne boka synest eg var litt for full av pur ondskap,
så i begynnelsen var eg litt skuffa.
Men den blei betre etterkvart, og vanskeleg å leggje i frå seg.
Eg likar godt rammeforteljinga i denne serien.

Vinterferie

2011-02-20T20:24:00.005+01:00

Dei to yngste gutane mine og eg har fått vinterferie ei heil veke!!
I dag var Strikkemor/far og Minstemann ein dagstur på hytta
i Stryn kommune.
Nydeleg vinterver, men litt kaldt.

Vekas bok

Bok nr. 10
Denne veka har eg lese Fyrvokteren. Ei spanande og god bok,
(sjølv om eg synest slutten var litt ubehageleg).

Søndagsrapport

2011-02-13T13:44:00.010+01:00

Denne veka fekk eg endeleg Retromasker i posten.
Eg synest dette er den desidert beste boka til Tine Solheim så langt!!
Masse fint å strikke til kvinner, menn og barn.

Har laga ein kollasj med bilder av nokre av strikkemodellane i boka.

Laurdag var gleda stor då hannkatten vår kom heim
etter å ha vore vekke i 5-6 veker!!
Han var feit og fin, så mat har han i alle fall fått.

Bok nr. 8 og 9 i år.
Begge desse bøkene har eg kjøpt til redusert pris som Bokliv-kunde hos Libris.
Drømmehjerte er svært lettlest med enkelt språk og enkelt innhald.
Men ei fin og velskriven historie.
Kvinnen i buret likte eg svært godt!
Kjem heilt sikkert til å lese fleire bøker av denne forfattaren.

Vi har feira 50-årsdagen til Strikkefar denne helga
med masse god ferdigkjøpt mat!!

Februar-oppdatering

2011-02-05T13:14:00.015+01:00

Eg er ikkje mykje til hobby-bloggar for tida.
Har fortsatt senebetennelse i høgre arm,
og trur det blir ei god stund til eg kan strikke/hekle/sy igjen.
Klarer å brodere litt, men må vere forsiktig også med det.
Veldig keisamt, men det opnar for andre hobbyar.
Er begynt med apparattrening og symjing eit par gongar i veka,
i tillegg til å lese bøker.
***

Bok nr. 6 og 7

Det tok ei stund før eg blei interessert i Knausgård, men no er eg det.
Synest han skriv utruleg godt!! Det at han er berre to år yngre enn meg, gjer det også ekstra interessant å lese om ungdomstida hans i denne boka.
Han seier i eit intervju at han brukar seg sjølv som ein reiskap, og ligg på grensa til det smertefulle i å utlevere seg sjølv (og andre..). Han likar ikkje å skrive desse bøkene, men vil det (som eit eksperiment). I denne boka utleverer han først og fremst seg sjølv. Boka handlar også mykje om faren, som har vore død ei stund. Eg synest det er veldig interessant og gjevande å lese noko så jordnært og kvardagsleg som denne boka. Knausgård seier at han har eit veldig visuelt minne, og hugsar alle rom han har vore inne i. Dei trivielle hendingane og replikkane er sjølvsagt dramatiserte, men byggjer på stemninga og tonen i dei gitte situasjonane. Dette har han klart veldig bra!! Gler meg til å lese bok nr. 2.

Denne boka er både god, spesiell og ganske fæl.
Handlar om kvinnefellesskap på sitt verste.

***
I går hadde vi 50-årsdag i huset.
Ikkje meg altså. Eg er sjølvsagt m y k j e yngre.
Jubilanten hadde dessverre influensa, så feiringa er utsatt ei veke.
Måtte berre vise fram ein av dei fine blomane som kom på døra!!

Stitchery

2011-01-30T14:31:00.010+01:00

Før hugsar eg at vi heiv inn på med rød solhatt når vi var forkjøla.
No har eg stitcha ferdig den første urteengelen til AnnAKa.
Koseleg arbeid!
Har ikkje heilt bestemt meg for om det skal bli duk eller gryteklut.
Lerretstoffet som eg stitchar på er kanskje litt for "grovt" for duk??

Og så har eg begynt på desse koselege motiva.
Mønsteret er laga av Jean Boyd og heiter Redwork Kitchen.

***
Sett frå kjøkkenglaset......

" Skal eg ta eit stup? "

" Nei, det bles sånn i dag! "

Litt av kvart.....

2011-01-21T17:32:00.011+01:00

Eg har brodert ferdig stitcheryet mitt frå dette innlegget.
I går skulle eg prøve å skjere opp stoffa som skal vere rundt,
men det var ikkje så enkelt med den dårlege arma.
Må nok ta det i mange etappar.
Å brodere litt går bra,
men strikking og hekling må nok vente ei god stund enno.
I dag var eg innom ein garnbutikk for å kjøpe meir broderigarn.
Skal begynne på AnnaKa sine urteengler.
Eg kom også heim med det siste heftet frå navia.
Masse fint her.

Gler meg til eg kan begynne å strikke igjen!!

Dei siste vekene har vi hatt besøk av eit skarvepar i "hagen".
Vi bur jo att med ei elv og er vande med eit rikt fugl/fisk/dyreliv,
men skarv har vi ikkje brukt å ha her.
På grunn av det krokforma nebbet må det vel vere storskarv?
I følge fugleboka held den seg i Nord-Noreg.
Skarven er i alle fall imponerande
når den sit med vingene utbredt og kviler.

Bok nr. 5
Ei interessant histrie om korleis
amerikanske japanerar blei behandla under 2. verdskrig i USA.
Denne boka var ikkje så lettlest som dei andre bøkene
eg har lese hittil i år.
Synest den var litt treig av og til,
og at det blei litt mykje det samme opp att,
men elles ei kjekk og lærerik bok.

Bok nr. 4

2011-01-16T13:53:00.009+01:00

Det går fortsatt i lesing her.

Det einaste som blir gjort av handarbeid er litt stitchery.
Eg går til behandling for nakke-og armplagene,
men det kjem nok til å ta litt tid.
I helga har eg lese denne vesle franske romanen,
som svigermora mi fekk i julegåve.
Den er på berre 218 lettleste sider.
Boka handlar om ein 45-år gamal mann
som bur i ei campingvogn i hagen til mora si.
I parken kor han brukar å sitte å telje duer,
blir han kjend med ei 86 år gamal dame.
Det oppstår eit spesielt vennskap mellom dei.
Den gamle dama begynner å lese bøker for han,
noko som gir han eit nytt perspektiv på livet.

Ei artig og god bok med ein fin og humorisisk tone!

Bok nr. 3 og forsiktig hekling

2011-01-11T11:15:00.013+01:00

Denne romanen er utruleg velskriven,
velkomponert og fengande!
Det er både ein slags sjølvbiografi og eit portrett av ein pyroman
som herja i Finsland (utanfor Kristiansand) i 1978.
Både forfattaren og pyromanen vaks opp i denne bygda.

Eg har funne fram nokre hekla lappar frå i fjor.
Meininga er at dette skal bli eit lappeteppe.
Har prøvd meg med litt forsiktig hekling,
og det går bra så lenge det er veldig forsiktig og veldig lite.
Fargane i dette teppet er litt inspirert av
"Gutta boys"-roseteppet (Lappemakeriet),
som var mnd. teppe for nokre år sidan,
og som eg fortsatt syr på for hand.

Eg heklar teppet i Pt 2 og Rauma Finull.

Om å rydde vekk jula...

2011-01-09T16:26:00.006+01:00

Denne helga har vi rydda vekk jula.
Ikkje all julepynt er like enkel å pakke vekk.
I romjula kjøpte eg dette "juletreet" hos Ingun til halv pris.
Har brukt både kubbelys og telys inne i det,
og synest det er kjempekoseleg.
Har lyst til å ha det ståande litt til...
Det samme har eg lyst til med julestrømpen under.
Den kjøpte eg på Epla (Budeiesøm) i november.
Minstemann putta alle småtinga
som han fekk i adventskaldenderen sin opp i den.

Bok nr. 2

2011-01-09T15:59:00.005+01:00

No er det snart to veker sidan eg har strikka (pga. høgrearma).
Har brodert litt, men er forsiktig med det og.
***
Bloggen min er difor blitt ein midlertidig litteraturblogg.
***
Bok nr. to i år er debutromanen til Kate Morton.
I fjor las eg Den glemte hagen, hennar andre roman.
Tilbake til Riverton er ein roman som bl.a. skildrar
herskap-og tenarmiljøet på begynnelsen av 1900- talet i England.
Trur denne romanen hadde passa veldig godt som BBC-serie.
Boka er på 512 sider,
Eg kjøpte pocketutgåva, og tenkte ikkje over at skrifta var så lita.
Men boka var så spanande og god,
at det gjekk fint likevel.

Bok nr. 1

2011-01-05T18:29:00.005+01:00

I år skal eg ta meg tid til å lese fleire bøker.
Dette er årest første bok,
som sikkert mange har lese for lenge sidan.
Eg fekk den i julegåve, og har kosa meg med den sidan nyttår.
Den er på 480 sider, men er lettlest og underhaldande.
Interessant å lese om den spanske borgarkrigen.
Elles er eg einig i Solveig si bokmelding.

Stitchery

2011-01-02T12:26:00.006+01:00

Eg har ei ufrivillig strikkefri pause igjen
pga. betennelse i høgre armen.
I går var eg litt betre
,slik at eg klarte å brodere litt.
Det var ikkje så dumt,
for då fekk eg sydd ferdig dette første hjartet
på juleduken til
Wenche frå Northern Quilts.

Til jul var eg så heldig å få denne pakken med mønster,
stoff og broderitråd av tanta mi Lappetausa.
Det skal bli eit bakeklede.
Heldigvis hadde Ingun på Primula strykevliselin
av typen som er supert til stitchery!
Gler meg til å begynne på det no ;-)

Godt Nytt År!

2010-12-31T13:05:00.010+01:00

Denne flaskevarmeren strikka eg tidleg i desember
etter å ha fått boka"Julepynt & julegaver" i posten.
Ei veldig fin og variert julehobbybok.
Eg brukte garnet som var nemnt i boka, Pt-design Mitu.

Har dekka ferdig nyttårsbordet i spisekroken på kjøkkenet.
Det er dekka til mor, far, fire gutar/menn, farmor og farfar.
Vi gler oss til pinnekjøttmiddag!
***
Vil ønske alle som er innom bloggen min
eit Godt Nytt År!

Ute snør det i dag, men det er mildt heldigvis!!
(utsikt mot elva som er dekt av is og snø)

Ferdig 2010

2010-12-30T13:50:00.019+01:00

Eg har laga nokre kollasjar for å få oversikt
over kva eg har produsert i 2010.
Det er stort sett tilbehør og ting som går fort å lage.
Difor ser det mykje ut.
Blei litt sjokka sjølv.......
Målet mitt for 2011 er å gjere ferdig uferdige prosjekt.
Har ein del fine genserar liggande halvferdige, bl.a.
Vel...
her kjem det meste av 2010-
produksjonen........

Luer

Panneband

Sokkar

Pulsvantar
Sjal/skjerf

Halsar

Gryteklutar

Klutar

Tepper

Sydde ting

Utsikt frå kjøkkenvindauget

2010-12-30T13:03:00.004+01:00

Det er endeleg mildare ute!!
Isen på elva smeltar, og svanene lagar fine fotspor.......

Dei står tolmodig og ventar på frukosten sin.
(Bildet er tatt gjennom kjøkkenvindauget med litt zoom.)